Charter Document - 05170175
| Charter Number: | 05170175 |
|---|---|
| Cartulary Title: | Ely 1198-1256 Volume 42 |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1234 |
| Date type: | Internal, A.D., Feast |
| Resource Link(s): |
|
Charter:
Universis sancte matris ecclesie filiis H[ugo] Dei gratia Elyens[is] episcopus salutem gratiam et benedictionem Noverit universitas vestra quod cum inter capitulum nostrum Elyen[se] ex parte una priorem et conventum de Binham ex altera super ecclesia[m] de Westle per diversas litteras pape Gregorii noni coram diversis iudicibus questio verteretur post multos labores ac altercationes varias hic inde habitas tota lis amicabiliter tali fine quievit videlicet quod pars dictorum prioris et conventus super ecclesiam de qua lis erat pure et absque omni conditione ordinationi nostre se subiecit Nos autem habito assensu et consilio capituli nostri dicto[rum] prioris et conventus honori et utilitati providere volentes sic duximus ordinandum quod ipsi in perpetuum habeant totam terram ad dictam ecclesiam pertinentem excepta parte mansi ex parte occidentali sub certis limitibus persone eiusdem ecclesie a nobis assignata iuxta terram et domos domini Henrici de Essexi habebunt etiam ex ordinatione nostra portionem illam terre que iacet ad australe capud pomerii super quam portiones mansi partibus predictis assignate abuttant salvo dictis priori et conventui iure patronatus in dicta ecclesia ad quorum presentationem ac vice[m] magistrum Reineru[m] de Yvore admisimus et personam instituimus in residuis dictam ecclesiam contingentibus In huius itaque rei testimonium presens scriptum sigilli nostri munimine roboravimus Actu[m] apud Ely die cinerum mense Martii anno incarnationis Domini MCC tricesimo tertio