Charter Document - 05170169

Omnibus Cristi fidelibus ad quos presens scriptum pervenerit Hugo Dei gratia Elyens[is] episcopus salutem in Domino Noveritis nos concessisse dedisse et hac presenti carta nostra confirmasse Amisio de Beningden servienti nostro pro fidelitate sua et servitio suo sexaginta et decem acras terre cum pertinentiis in mariscis nostris de Elm et de Merchford de quibus quadraginta acre iacent in marisco de Merchford iuxta le Fendich de Elm versus occidentem et abuttant super Lyv[er]emere versus aquilonem et xx acre in marisco de Elm inter terram Rob[er]ti de Kirkeham et terram Ric[ard]i de Melkesh et abuttant super dravam que se extendit versus Merchford ex parte austri et decem acre in eodem marisco inter dravam predictam et maram que vocatur Lyv[er]em[er]e et abuttant super terram Will[elm]i de Norwaud versus orientem habendas et tenendas eidem Amisio et heredibus suis de priore et conventu et ecclesia Elyen[si] in feodo et hereditate libere quiete bene et in pace imperpetuum reddendo inde annuatim eisdem duos solidos ad quatuor terminos scilicet ad festum sancti Michaelis sex denarios ad festum sancti Andr[ee] sex denarios ad Annunciationem beate Marie sex denarios et ad festum sancti Ioh[ann]is Bapt[iste] sex denarios pro omni servitio et exactione In cuius rei testimonium presenti scripto sigillum nostrum fecimus apponi Hiis testibus magistro Ric[ard]o de Kirkeham domino Will[elm]o Rusteng tunc senescallo nostro magistro Eustach[io] de Lenn Will[elm]o de Wenling Rog[er]o de Hunt[er]estun Will[elm]o de Norwaud Ric[ardo] de Melkesham Alano et Rob[er]to de Kirkeham et aliis