Charter Document - 05170168

Omnibus Cristi fidelibus ad quos presens scriptum pervenerit Galfr[idus] Dei gratia Elyen[sis] episcopus salutem in Domino Noverit universitas vestra nos concessisse dedisse et hac carta nostra confirmasse magistro Will[elm]o de Argenteom pro homagio et servitio suo centum acras terre cum pertinentiis per perticam viginti pedum in manerio nostro de Sum[er]esha[m] in loco qui vocatur Strode qui scilicet locus iacet iuxta dominicum nostrum in Pydele et dirigitur in nemus nostrum de Sum[er]esha[m] et a magna strata que ducit a Sum[er]esha[m] ad Hermetesworth dirigitur in mariscum habendas et tenendas illi et heredibus suis de nobis et successoribus nostris episcopis Elyens[ibus] in feodo et hereditate libere quiete honorifice et pacifice cum omnibus pertinentiis in pratis exitibus aisiamentis libertatibus omnibus in bosco in plano in pascuis in mariscis et in omnibus aliis locis intra villam et extra reddendo inde annuatim sacriste Elyens[i] quatuor solidos terminis usualibus ad sustentationem unius cerei ante magnum altare ecclesie Elyens[is] pro omni consuetudine servitio et demanda et pro omni re ad terram pertinente salvo nobis et successoribus nostris homagio dicti magistri Will[elm]i et successorum suorum fedelitate tamen ab eo et successoribus suis sacriste Elyens[i] facienda de dictis quatuor solidis annuatim fideliter exsolvendis Et ut hec nostra concessio donatio et carte nostre confirmatio predicto magistro Will[elm]o et heredibus suis perpetuum firmitatis robur optineat presentem cartam sigillo nostro signatam ei fieri fecimus Testibus magistro Will[elm]o de Bancis Thom[a] de Ingaldestorp tunc senescallo Elyens[i] Rob[erto] de Ulmo Will[elm]o de Waldingefeud Math[e]o Cristian[o] B[e]n[e]d[i]c[t]o de Rodelston Rog[er]o de Causton Rad[ulf]o de Bereford Henr[ico] de Colne Ric[ardo] maresc[allo] Gileb[erto] pistore Sahero de Fryvill Ioh[ann]e Supesoure et aliis