Charter Document - 05170167
| Charter Number: | 05170167 |
|---|---|
| Cartulary Title: | Ely 1198-1256 Volume 42 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1225 - 1228 |
| Date type: | Assigned |
| Resource Link(s): |
|
Charter:
G[aufridus] Dei gratia Eliensis episcopus omnibus ad quos presens scriptum pervenerit salutem in Domino Noverit universitas vestra nos divine pietatis intuitu abbati et canonicis de D contulisse ecclesiam sancte Trinitatis de Cantabrig cum omnibus ad eam pertinentibus in proprios usus ipsorum in perpetuum possidendam ipsosque in eadem personas canonice instituisse salva competenti sustentatione vicarii perpetui ad ipsorum presentationem a diocesano loci in eadem instituendi Est autem sustentatio pro modo facultatum a nobis ordinata sic scilicet quod idem vicarius [omnes] obventiones et proventus undecumque provenientes exceptas decimas messium et leguminum percipiet salvo nobis et successoribus nostris iure parochiali et pontificali Ut autem hec nostra concessio et ordinatio firma sit et inperpetuum valitura eam sigilli nostri appositione roboravimus Hiis testibus