Charter Document - 05170164

Universis sancte matris ecclesie filiis ad quos presens scriptum pervenerit Galfridus Dei gratia Elyens[is] episcopus salutem in Domino Universitati vestre notum facimus quod cum ecclesia de Sudecampes ad resignationem magistri Rob[er]ti de Archis quondam persone eiusdem in manu nostra factam vacaret in qua scilicet ecclesia abbas et conventus de Waltha[m] ius patronatus ex donatione Iuliane filie Galfridi de Sudecampes habere dinoscuntur nos intuitu Dei et religionis quam in ecclesia de Waltham laudabiliter vigere cognovimus eandem ecclesiam cum omnibus ad ipsam pertinentibus Ricardo abbati et conventui de Waltham perpetuo habendam ad fabricam ecclesie sue perficiendam et conservandam concessimus et in eadem eundem abbatem nomine ecclesie et conventus de Waltham personam instituimus ipsumque in corporalem possessionem eiusdem induci fecimus salvo nobis et successoribus nostris iure pontificali et parochiali et salva Elyens[is] ecclesie dignitate Concesserunt autem in presentia nostra prefati abbas et conventus vicario perpetuo qui pro tempore in prefata ministrabit ecclesia omnes obventiones altaris et minutas decimas excepto feno cum manso competenti et cum investitura duarum bonarum acrarum de frumento et duarum de avena singulis annis de dominico ecclesie pretaxate percipienda Idemque vicarius omnia onera ad dictam ecclesiam spectantia sustinebit Ut autem ea que a nobis facta sunt perpetue robur optineant firmitatis presens scriptum sigilli nostri appositione duximus confirmandum Hiis testibus magistro Will[elm]o de Risinges tunc precentore London magistro Radulfo de Skegetune magistro Will[elm]o de Westhale magistro Adam de Waltham magistro Nich[olao] clerico nostro Alexandro capellano nostro magistro Rob[er]to de Archis magistro Ricardo de Kevermunt