Charter Document - 05170159
| Charter Number: | 05170159 |
|---|---|
| Cartulary Title: | Ely 1198-1256 Volume 42 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1225 - 1228 |
| Date type: | Assigned |
| Resource Link(s): |
Cambridge University Library - MS Add 3020 (f171v) |
Charter:
Omnibus Cristi fidelibus presens scriptum visuris vel audituris Galfrid[us] Dei gratia Elyens[is] episcopus salutem in Domino Religiosam vitam eligentibus congrua dignum est consideratione providere ne alicuius necessitatis occasio aut desides faciat aut robur quod absit conversationis infringat Honestatem igitur et religionem dilectorum filiorum in Cristo abbatis et conventus Thorneye attendentes et eorum sustentationi minus sufficienti compatientes de voluntate et assensu capituli nostri Elyensis ecclesiam sancte Marie de Witleseya cum pertinentiis suis ad sustentationem eorundem et hospitum ibidem convenientium divine pietatis intuitu eis in proprios usus convertimus et hac presenti carta nostra confirmavimus salva vicaria c solidorum in certa portione eiusdem ecclesie assignata ad quam dicti abbas et conventus capellanum ydoneum successive presentabunt qui in predicta ecclesia personaliter ministrabit et residentiam ibidem faciet et honera episcopalia sustinebit Dedimus etiam et concessimus prefatis abbati et conventui ut xx solidi quos de predicta ecclesia annuatim nomine pensionis solebant percipere de cetero nomine personatus percipiant Ita videlicet quod post obitum Henrici de Lekeburne rectoris eiusdem ecclesie totam ecclesiam excepta vicaria prefata in usus proprios habebunt imperpetuum Ut autem hec nostra collatio et confirmatio futuris temporibus perpetuum firmitatis robur optineat eam presentis scripti munimine et sigilli nostri appositione corroboravimus Hiis testibus magistro Will[elm]o de Bank s magistro Petro de Derham magistro Ada de Hornigges domino Ada de Tid Alano de Fitton Nich[ola]o persona de Neuton Henr[ico] de Tilneye Godefrido fratre eius Reginaldo marescallo et multis aliis