Charter Document - 05170158

Omnibus Cristi fidelibus ad quos presens scriptum pervenerit Galfr[id]us Dei gratia Elien[sis] episcopus salutem in Domino Noverit universitas vestra nos dedisse et presenti carta nostra confirmasse Thome filio Alani de Inglesthorp pro homagio et servitio suo trescentas acras terre cum pertinentiis in Wisebech in nova purprestura facta tempore nostro que iacent inter dravam que est inter eandem terram et [terram] Richere et terram Rog[er]i de Causton in latitudine et inter dravam de Wisebech que se extendit usque domum Mathei Cristien et communem dravam de Wisebech et Lev[er]yngton in longitudine Preterea concessimus dedimus et presenti carta nostra confirmavimus eidem Thome pro homagio et servitio c acras terre cum pertinentiis in Elm in nova purprestura facta tempore nostro que iacet inter dravam que est iuxta fossatum marisci factum per Ric[ardu]m Makkesham [hole] Math[e]i Cristien et abuttant super dravam que est inter ea[hole]ma et terram que fuit Will[elm]i Gernemue habendas et tenendas [hole] heredibus suis de nobis et successoribus episcopis Elien[sibus] libere quiete et hereditarie cum omnibus libertatibus et aisiamentis in dravis viis semitis pratis pascuis mariscis turbariis piscariis exitibus communis et in omnibus aliis rebus ad predictas terras pertinentibus reddendo inde nobis et successoribus nostris unam marcam argenti ad quatuor terminos scilicet ad festum sancti Andree tres solidos et quatuor denarios ad festum annunciationis beate Marie tres solidos et quatuor denarios ad festum sancti I[ohannis] Bapt[ist]e tres solidos et quatuor denarios ad festum sancti Mich[ael]is tres solidos et iiii denarios pro omni servitio consuetudine et exactione Et ut hec nostra concessio donatio et carte confirmatio predicto Thome et heredibus suis perpetuum firmitatis robur optineat presentem cartam sigillo nostro signatum ei fieri fecimus Hiis testibus magistro Will[el]mo de Argent Petro de Derham Rob[er]to de Insula et multis aliis