Charter Document - 05170154
| Charter Number: | 05170154 |
|---|---|
| Cartulary Title: | Ely 1198-1256 Volume 42 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1225 - 1227 |
| Date type: | Assigned |
| Resource Link(s): |
|
Charter:
Omnibus ad quos presens carta pervenerit Galfr[idus] Dei gratia Elyens[is] episcopus salutem in Domino Noverit universitas vestra nos concess[isse] et presenti carta nostra confirmasse Ioh[ann]i de Awelton pro homagio et servitio suo totam terram cuiusdam bosculi in territori de Merch cum toto bosco in eadem terra sito qui vocatur Sudwode et Ravenesho et circumdatur tribus mariscis scilicet ex una parte marisco qui vocatur Stowefen et ex altera parte marisco qui vocatur Strodefen et ex tertia parte marisco qui vocatur Raveneshofen et ex quarta parte circumdatur camp[] hominum de Merch Hec omnia concessimus predicto Ioh[ann]i et heredibus suis cum omnibus pertinentiis libertatibus et aisiamentis suis infra villam et extra scilicet in moris et mariscis in pascuis et pratis in viis et semitis in communibus piscariis et turbariis et in omnibus aliis rebus in feodo et hereditate libere [pacifice et] quiete de nobis et successoribus nostris reddendo inde annuatim ad scaccarium nostrum in Ely viginti solidos argenti ad quatuor terminos scilicet ad annunciationem beate Marie quinque solidos ad nativitatem sancti Ioh[ann]is Baptiste quinque solidos ad festum sancti Mich[aelis] quinque solidos et ad natale Domini quinque solidos et faciendo quat[uor] sequelas per annum in curia nostra de Ely unam scilicet ad proximam curiam post Pascha aliam ad proximam curiam post nativitatem sancti Ioh[ann]is Baptiste terciam ad proximam curiam post festum sancti Michael[is] q[uar]tam ad proximam curiam post natale Domini pro omnibus servitiis consuetudinibus et demandis et pro omni exactione ad terram pertinente sicut continetur in carta I[ohannis] bone memorie Eliens[is] episcopi predecessoris n[ostri] Concessimus etiam prefato Ioh[ann]i et heredibus suis sicut continetur in carta prefati episcopi ut habeant canes suos lucrarios et alios liberos quod non sint espeantez sine aliquo vexatione vel impedimento de nobis vel successoribus nostris Ut autem hec nostra concessio et confirmatio perpetue firmitatis robur optineat presens scriptum memorato Ioh[ann]i fieri fecimus et idem sigilli nostri munimine roborari Hiis testibus Thom[a] de Ingoldestorp Math[e]o Crestien B[e]n[e]d[i]c[t]o de Roldestan Rob[erto] de Insula Warin[o] de Saha[m] Ph[ilippo] de Insul[a] Rad[ulf]o de Bereford Henr[ico] de Coln Will[elm]o filio Elye Salom[one] aurifabro Will[elm]o hostiario et aliis