Charter Document - 05170144
| Charter Number: | 05170144 |
|---|---|
| Cartulary Title: | Ely 1198-1256 Volume 42 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1225 - 1228 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Galfridus Dei gratia Elyens[is] episcopus salutem in Domino Noverit universitas vestra nos pietatis intuitu concessisse dedisse et presenti carta nostra confirmasse Deo et ecclesie sancte Etheldrede de Ely et monachis ibidem Deo servientibus pro salute anime nostre et animarum antecessorum et successorum nostrorum in puram et perpetuam elemosinam unam marcam annui redditus quam Thom[as] filius Alani de Ingoldesthorp nobis debuit de trecentis acris terre cum pertinentiis in nova purprestura de Wysebeche et de centum acris terre cum pertinentiis in nova purprestura de Elm factis tempore nostro quas ei dedimus pro homagio et servitio suo Preterea concessimus dedimus et presenti carta nostra confirmavimus Deo et ecclesie sancte Etheldrede et monachis predictis homagium dicti Thom[e] et heredum suorum de medietate totius tenementi predicti tam in Wysebech quam in Elm scilicet de illa medietate que iacet versus occidentem reservato nobis et successoribus nostris solummodo homagio dicti Thome et heredum suorum de illa medietate que iacet versus orientem Concessimus etiam et dedimus et presenti carta nostra confirmavimus Deo et ecclesie sancte Etheldrede et monachis predictis in puram et perpetuam elemosinam duodecim solidos et octo denarios annui redditus quos Math[eu]s Cristien nobis debuit de tenemento suo quod de nobis tenuit in Wysebech Tyd et Elm simul cum homagio ipsius Math[e]i et heredum suorum de medietate totius illius tenementi que iacet versus occidentem reservato nobis et successoribus nostris solummodo homagio ipsius Math[e]i et heredum suorum de alia medietate que iacet versus orientem Hunc autem redditum concessimus et dedimus eisdem monachis in auxilium sustentationis unius cerei coram altare sancte Etheldrede imperpetuum habituri Homagia vero predictorum Thome et Math[e]i de voluntate et consensu ipsorum dictis monachis assignavimus Quare volumus et firmiter precipimus quod predicta ecclesia et monachi ibidem Deo servientes et in perpetuum servituri habeant et teneant predictos redditus cum predictis homagiis sicut predictum est in puram et perpetuam elemosinam in auxilium sustentationis cerei predicti solutam et quietam de nobis et successoribus nostris imperpetuum Et ut hec nostra concessio donatio et carte nostre confirmatio futuris temporibus rata et inconcussa permaneat presens scriptum sigilli nostri impressione roboravimus Hiis testibus magistris Will[elm]o de Argenteom Will[elm]o de Bancis Petro de Derham Ernulfo de Straham Edmundo de Massingha clericis et hiis laicis Rob[er]to de Insula Philippo de Insula Rob[er]to de Marisco Steph[an]o de Marisco Alano de Fittone Ioh[ann]e de Walepol Will[elm]o de Hakeford