Charter Document - 05170143
| Charter Number: | 05170143 |
|---|---|
| Cartulary Title: | Ely 1198-1256 Volume 42 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1225 - 1228 |
| Date type: | Assigned |
| Resource Link(s): |
|
Charter:
Omnibus ad quos presentes littere pervenerint G[aufridus] Dei gratia episcopus Elyens[is] salutem in Domino sempiternam Noverit universitas vestra nos ad honorem Dei et ad perpetuam venerationem beate Etheldrede concessisse et dedisse centum solidos annuos de scaccario nostro in assuetis quatuor anni terminis a sacrista Elyen[sis] ecclesie percipiendos ad unum cereum parandum ante maius altare illius ecclesie ita quod tam diebus quam noctibus continue sit accensum Hanc autem collationem fecimus de assensu capituli Elyens[is] perpetuo valituram nisi in equivalenti redditu vel uberiori ad usum dicti cerei prospexerimus In huius itaque rei fidem et firmitatem sigillum nostrum una cum sigillo capituli Elyens[is] ecclesie presenti carte apposuimus Hiis testibus magistris W[illelmo] de Rising Ernaldo de Straham Will[elm]o de Argent Will[elmo] de Westhale dominis Thom[a] de Ingaldesthorp Rob[er]to de Insula Warino de Saham et multis aliis