Charter Document - 05170130
| Charter Number: | 05170130 |
|---|---|
| Cartulary Title: | Ely 1198-1256 Volume 42 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1220 - 1222 |
| Date type: | Assigned |
| Resource Link(s): |
|
Charter:
Omnibus Cristi fidelibus presens scriptum visuris Ioh[anne]s Dei gratia Elyen[sis] episcopus in Domino salutem Noverit universitas vestra nos concessisse et hac presenti carta nostra confirmasse Osberto de Stradesete et Matildi de Fuhelemere uxori sue et heredibus suis de eis provenientibus pro homagio et servitio suo quindecim acras terre in villa de Pulham que iacent in Litlehaye et quinque acras terre que iacent in orientali parte bosci et unum pratum quod iacet ad Crasingeford cum omnibus pertinentiis suis quas scilicet terras habent de dono pie memorie Eustachii Elyen[sis] episcopi predecessoris nostri tenendas de nobis et successoribus nostris imperpetuum per liberum servitium dimidie marce singulis annis ad hos terminos solvende videlicet ad festum sancti Michael[is] viginti denarios et ad festum sancti Andree xx denarios et ad Pascha xx denarios et ad festum sancti Ioh[ann]is Baptiste xx denarios Si vero contigerit quod idem Osbertus nullum habuerit heredem de predicta Matilde uxore sua ipsa et heredes sui habebunt predictas terras et tenebunt imperpetuum libere quiete per predictum servitium Ut autem hec nostra concessio et confirmatio rata in posterum permaneat eam presenti scripto et sigilli nostri munimine duximus roborandam Hiis testibus Math[e]o Cristiano tunc senescallo Rob[er]to de Insula Simo[n]e de Insula Warino de Saham Ricardo de Chewell Will[elm]o Trenchefoil magistro Steph[an]o de Hed Hugone de Derbi Walt[er]o Peregrino et multis aliis