Charter Document - 05170123
Charter Number: | 05170123 |
---|---|
Cartulary Title: | Ely 1198-1256 Volume 42 |
Charter Language: | Latin |
Charter Origin: | Religious |
Charter Type(s): | Settlement |
Date: | 1220 - 1225 |
Date type: | Assigned |
Resource Link(s): |
|
Charter:
Omnibus Cristi fidelibus presens scriptum inspecturis I[ohannes] Dei gratia Eliens[is] episcopus salutem Ad universitatis vestre notitiam volumus pervenire causam que super decimis octo acrarum terre quas W[illelmus] de Chesewyk tenet de dominico de Melre inter abbatem et conventum sancti Ebrulfi ex una parte et priorem et conventum Eliens[ses] ex alia motam in presentia nostra in hunc modum fuisse sopitam videlicet quod predicti prior et conventus Eliens[es] decimas predicte terre sine contradictione predictorum abbatis et conventus sancti Ebrulfi percipient non obstante compositione super aliis decimis dominici de Melre facta donec predicta terra ad dominicum sepedictorum abbatis et conventus fuerit redacta Cum autem processu temporis eadem terra ad dominicum eorundem reducatur et propriis sumptibus et laboribus excolatur prefati abbas et conventus sine omni contradictione monachorum Eliens[ium] decimas eiusdem terre in proprios usus retinebunt Ita quod ab earumdem prestatione erunt penitus immunes Ut autem ad que in presentia nostra rite fuerit perpetuam firmitatem optineant nos hoc scriptum sigilli nostri appositione dignum duximus corroborandum Hiis testibus magistro Galfrido de Wardby officiali Elien[si] magistro Arnulfo persona de Stretha[m] magistro Ada de Wakeham persona de Wycham magistro Galfrido Gri[m] persona de Sutton magistro Steph[an]o de Mann magistro Steph[an]o de Heydon Rob[er]to Tyllyol Philippo de Pavelly Simone de Welle et W[illelmo] de Welle clericis Osb[er]to Gyffard Simone de Insula Ric[ard]o fratre eius Eborardo de Tru[m]py[n]ton Ric[ard]o de Melkesham Ioh[ann]e de Auton Will[elmo] de Tru[m]py[n]gton et multis aliis