Charter Document - 05170117
| Charter Number: | 05170117 |
|---|---|
| Cartulary Title: | Ely 1198-1256 Volume 42 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1220 - 1225 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Ioh[ann]es Dei gratia Elyens[is] episcopus salutem in Domino Noverit universitas vestra nos divine pietatis intuitu concessisse et presenti carta nostra confirmasse Deo et ecclesie sancte Etheldrede in Ely et monachis ibidem Deo servientibus ecclesiam de Melree quam bone memorie E[ustachius] predecessor noster quondam episcopus Elyens[is] ipsis contulit et carta sua quam inspeximus confirmavit tenendam et habendam integre et plenarie cum omnibus pertinentiis et libertatibus suis in puram et perpetuam elemosinam et in proprios usus convertendam ad sustentationem hospitum ibidem convenientium salvis in ea consuetudinibus et oneribus episcopalibus salva etiam vicaria centum solidorum in certa portione in eadem assignanda Ad quam capellanum idoneum presentabunt qui curam animarum habebit et residentiam in ea faciet Ut igitur hec nostra concessio et confirmatio perpetuum firmitatis robur optineat in testimonium huius rei presentem cartam sigilli nostri appositione corroboratam eis duximus conferendam Hiis testibus domino Th[oma] episcopo de Dun magistro R[oberto] de Iwareby officiali Elyen[si] magistro Ernulfo de Straham magistro G[aufrido] Grim magistro S[tephano] de Manecestr Hug[one] de Derby et multis aliis