Charter Document - 05170114
| Charter Number: | 05170114 |
|---|---|
| Cartulary Title: | Ely 1198-1256 Volume 42 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1220 - 1225 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens carta pervenerit Ioh[ann]es divina permissione ecclesie Eliens[is] minister humilis salutem in Domino Quia religionis favor et caritatis ordo deposcit ut eos quos bone opinionis odore et sacre religionis conversatione meritis florere conspicimus ampliori et artiori caritate foveamus Nos honestatem et devotionem dilectorum fratrum in Cristo abbatis et conventus Croiland attendentes ecclesiam de Hokinton cum pertinentiis suis ad sustentationem eorum et hospitum ibidem convenientium divine pietatis intuitu eisdem in usus proprios convertimus et hac presenti carta nostra confirmavimus salva vicaria decem marcarum in eadem ecclesia proinde taxata prout in eorundem carta que in domo Eliens[i] perpetuis temporibus reponitur custodienda plenius continetur Ad quam vicariam dicti abbas et conventus capellanum ydoneum successive presentabunt qui in eadem ecclesia personaliter ministrabit et residentiam ibidem faciet et onera episcopalia sustinebit Ut igitur hec nostra confirmatio futuris temporibus rata et stabilis permaneat eam presentis scripti munimine et sigilli nostri appositione communivimus Hiis testibus abbate Thorn Rogero priore Elien[si] magistro Rob[er]to de Gravell canonico Lincoln magistro Rob[er]to de Ywarby officiali Elien[si] Rad[ulfo] de Pime magistro Steph[an]o de Hedey Reginaldo de Well magistro W de Tryppell Philippo de Pavell Alano capellano Hugone de Dureby clerico et aliis