Charter Document - 05170110
| Charter Number: | 05170110 |
|---|---|
| Cartulary Title: | Ely 1198-1256 Volume 42 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1220 - 1225 |
| Date type: | Assigned |
| Resource Link(s): |
|
Charter:
Universis Cristi fidelibus ad quos presens scriptum pervenerit Ioh[ann]es Dei gratia Elyens[is] episcopus salutem in Domino Quoniam ex cura nobis commissa inopie et egestati pauperum et maxime religiosorum paterna affectione providere tenemur nos attendentes paupertatem et honestatem dilectarum in Cristo filiarum monialium de Chat[er]iz ecclesiam [sancti] Petri eiusdem ville cum omnibus pertinentiis suis nos divine pietatis intuitu et pro salute animarum virorum venerabilium episcoporum Elyen[sium] predecessorum nostrorum et [nostr]a eisdem monialibus ad sustentationem domus sue in proprios usus habendam contulimus et presenti carta confirmavimus salva vicaria cuidam capellano quem ipse moniales ad dictam vicariam presentabunt qui curam habebit animarum videlicet quatuor marcis de altaragio ipsius ecclesie annuatim percipiendis cum mansione que fuit Matill de Berlee salvis etiam nobis et successoribus nostris iure pontificali et parochiali Ut igitur hec nostra collatio et confirmatio perpetuum firmitatis robur optineant eam presentis scripti munimine et sigilli nostri appositione communimus Hiis testibus []