Charter Document - 05170107
| Charter Number: | 05170107 |
|---|---|
| Cartulary Title: | Ely 1198-1256 Volume 42 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1220 - 1225 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Ioha[n]nes Dei gratia Elyens[is] episcopus salutem in Domino Cartas bone memorie Eustach[ii] quondam episcopi Elyens[is] predecessoris nostri de ecclesia de Horningeseya salva vicaria item de ecclesia sancti Petri de Cantebrige extra portam tenendis et habendis in proprios usus cum pertinenciis suis item de duabus navibus ad colligendum roscum et alia necessaria ad comburendum per totum mariscum nostrum sine impedimento item de libera cantaria cum sepultura ubi voluerint et elegerint hospitali sancti Ioh[ann]is de Cantebrig et fratribus eiusdem domus factas ab eodem adiectis aliorum concessionibus dictum hospitale et fratres contingentibus inspeximus Nos autem factum ipsius E[ustachii] predecessoris nostri ratum et gratum habentes dictas ecclesias et alia prout in cartis eiusdem et aliorum plenius continetur divine pietatis intuitu prenominatis hospitali et fratribus concessimus et hac carta nostra confirmavimus In cuius rei testimonium hanc cartam sigilli nostri appositione confirmatam eis duximus conf[er]endam Hiis testibus magistro Rob[erto] de Iwareb officiali Elyen[si] magistris Ric[ardo] de Leycestr cancellario de Cantebrig Ioha[n]ne de Hoylande Ricardo Nigr[o] Steph[an]o de Hedona Philipp[o] de Pavely Alano capellano Hugon[e] de Derby et aliis