Charter Document - 05170106
| Charter Number: | 05170106 |
|---|---|
| Cartulary Title: | Ely 1198-1256 Volume 42 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1220 - 1222 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens scriptum pervenerit I[ohannes] Dei gratia Elyen[sis] episcopus salutem in Domino Noverit universitas vestra nos dedisse concessisse et presenti carta nostra confirmasse Bartholomeo de Tiveteshale pro homagio et servitio suo decem et octo acras terre de ware in territorio de Ely scilicet illas quas Ricardus clericus nepos Wimundi tenuit cum uno mesuagio in villa Elyen[si] ad magnam ripam videlicet illud quod iacet inter terram que fuit Thome filii Gamel et terram que fuit Briani Canis tenendas et habendas cum omnibus pertinentiis libertatibus et aisiamentis infra villam et extra ad predictas terras pertinentibus sibi et heredibus suis vel cui assignare voluerit excepta religione in feodo et hereditate libere et quiete honorifice et pacifice de nobis et de successoribus nostris episcopis Elyens[ibus] reddendo inde annuatim nobis et successoribus nostris duos solidos argenti ad duos terminos scilicet ad festum sancti Mich[ael]is xii denarios et in annuntiatione beate Marie xii denarios pro omni servitio consuetudine et demanda Ut igitur hec nostra donatio et concessio perpetuum firmitatis robur optineat eam presentis scripti munimine et sigilli nostri appositione confirmavimus Hiis testibus Symone de Insula Warino de Saha[m] Math[e]o Cristian[o] tunc senescallo Eustachio de Eya Ric[ard]o de Melkesham Rob[er]to de Roseby Elya clerico Ioh[ann]e culcitrario Mauricio portario Henr[ico] de Riburg Hug[one] clerico de Derby et aliis