Charter Document - 05170100
| Charter Number: | 05170100 |
|---|---|
| Cartulary Title: | Ely 1198-1256 Volume 42 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1222 - 1225 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Ioh[anne]s Dei gratia Elyens[is] episcopus salutem in Domino Religionis favor et equitatis ordo deposcit ut quos bone opinionis fragrantia inspiratos novimus uberiori gratia dignos censeamus et artiori caritate diligamus Noverit universitas vestra quod nos attendentes honestatem et paupertatem dilectorum in Cristo filiorum prioris et canonicorum de Angleseye et morum ac vite eorundem bonam conversationem in Domino commendantes ecclesiam de Bodekesham cum omnibus pertinentiis suis eisdem canonicis ad quos dicte ecclesie ius patronatus spectare dinoscitur de assensu et voluntate prioris et conventus nostri Elyen[sis] pro salute nostra et animarum antecessorum et successorum nostrorum divine pietatis intuitu concessimus et contulimus et in eorundem proprios usus ad sustentationem pauperum et hospitum ibidem convenientium habendam et possidendam in perpetuum convertimus et eosdem personas in eadem canonice instituimus salva competenti vicaria vicario qui pro tempore in predicta ecclesia residentiam faciat et honera episcopalia sustineat et salvo in omnibus iure Elyens[is] ecclesie Et ne aliqua contentio futuris temporibus circa dictam vicariam verti possit ipsam in hunc modum taxavimus videlicet quod vicarius quicumque erit pro tempore habebit totum altaragium cum pertinentiis suis exceptis minutis decimis predictorum canonicorum in eadem parochia et exceptis oblationibus omnium cum eisdem commorantium et sepultura ibidem morientium cum manso competenti et cum duodecim acris terre in tribus partibus territorii eiusdem ville terra ecclesie ad usus vicarii assignata Et ut hec nostra concessio et collatio in sequenti perpe[tuu]m firmitatis robur optineat presentem cartam scripti huius munimine et sigilli nostri apositione corroboravimus Hiis testibus magistro Ioh[ann]e de Foxton magistro Rob[er]to de Ywarb magistro St[ep]h[an]o de Mamecest Ioh[ann]e de Neketun magistro St[ep]h[an]o de Hedun magistro Rog[er]o de Catel magistro Laure[n]c[io] de Lincoln et multis aliis