Charter Document - 05170099
| Charter Number: | 05170099 |
|---|---|
| Cartulary Title: | Ely 1198-1256 Volume 42 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1220 - 1222 |
| Date type: | Assigned |
| Resource Link(s): |
|
Charter:
Omnibus Cristi fidelibus presens scriptum visuris Ioh[ann]es Dei gratia Elyens[is] episcopus salutem in Domino Noverit universitas vestra nos concessisse et hac presenti carta nostra confirmasse Alexandro speciario et heredibus suis totam terram quam bone memorie Eustach[iu]s episcopus Elyens[is] predecessor noster ei pro homagio et servitio suo dedit in villa de Ely que terra iacet inter essoldas nostras et commune forum et habet in latitudine xii pedes et in longitudine quantum latitudo totius gabli habendam et tenendam libere et quiete de nobis et successoribus nostris reddendo inde annuatim xii denariis ad festum sancte Etheldrede pro omni servitio consuetudine et demanda Et ut hec nostra concessio et confirmatio in perpetuum firma sit et stabilis presens scriptum sigillo nostro roboravimus Hiis testibus Rog[er]o de Bergham tunc priore magistro Ioh[ann]e tunc decano Math[e]o Cristiano tunc senescallo Warino de Saham magistro Rob[er]to de Iwarbi Hug[one] clerico de Derbi Hug[one] clerico de Ely Mauric[i]o ianitore Math[e]o filio eius Hug[one] speciario Ioh[ann]e filio eius Galfrido portario Will[elm]o filio Elye Nich[ola]o fratre eius et multis aliis