Charter Document - 05170086

Universis sancte matris ecclesie filiis ad quos presens scriptum pervenerit Eustach[ius] Dei gratia episcopus Elien[sis] eternam in Domino salutem Notum sit universitati vestre quod bone memorie Will[elmu]s episcopus predecessor noster dilectos fratres nostros Walt[eru]m abbatem et canonicos regulares de Walth recepit ad presentationem Gaufr[idi] de Scalariis ad vacantem ecclesiam de Badburgeham et eos nobis scientibus et pro eis supplicantibus de eadem ecclesia impersonavit et instituit et per Ric[ardum] Barre tunc archidiaconum suum in corporalem possessionem predicte ecclesie induci fecit Nos igitur ex divino intuitu et ob fraterne caritatis affectum quo domum Sancte Crucis de Waltha[m] amplectimur prefatam institutionem ratam habemus et presenti scripto confirmamus et episcopali auctoritate concedimus dilectis nostris predicto abbati et canonicis predicte domus et successoribus eorum prefatam ecclesiam de Badburgeha[m] integre cum omnibus pertinentiis suis post decessum Briani clerici eorum vicarii in proprios usus suos convertendam et possidendam salva competenti et rationabili sustentatione vicarii in eadem ecclesia ministrantis et salvis nobis et successoribus nostris et ecclesie Eliensi episcopalibus consuetudinibus et honore Ut autem hec concessio nostra futuris temporibus permaneat rata et omnimoda stabilitate perpetua eam presenti pagina et sigilli nostri appositione confirmamus Hiis testibus Seffrido decano Cicestrie Ric[ardo] Barre archidiacono Elien[si] magistro Ric[ardo] domini Cant[uariensis] cancellario Hug[one] Pipard magistro Nichol[ao] de Berleng magistro Thoma de Driffeld Will[elm]o monacho Elien[si] et Walt[er]o capellanis magistro Ama[n]do Thoma de Heiden magistro Girardo Sanso[n]e Ioh[ann]e de Bra[n]cestre et multis aliis