Charter Document - 05170070
| Charter Number: | 05170070 |
|---|---|
| Cartulary Title: | Ely 1198-1256 Volume 42 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1198 - 1214 |
| Date type: | Assigned |
| Resource Link(s): |
|
Charter:
Eustachius Dei gratia Elyens[is] episcopus omnibus hominibus suis de honore sancte Etheldrede salutem in Domino Noverit universitas vestra nos dedisse concessisse et hac carta nostra confirmasse magistro Nich[ola]o cementario pro homagio et servitio suo et heredibus suis post ipsum unum masagium cum dimidia acra ad illud pertinente in Ely iuxta terram Will[elm]i decani versus occidentem tenendum de nobis et successoribus nostris per liberum servitium duodecim denariorum per annum pro omni servitio Preterea concessimus eidem Nicolao et heredibus suis quatuor acras terre et dimidiam que iacent iuxta predictum masagium in Ely tenendas de nobis et successoribus nostris per liberum servitium duorum solidorum per annum pro omni servitio Predictus autem Nich[olau]s et heredes sui post ipsum predictos duodecim denarios et duos solidos solvent singulis annis ad hoc terminos ad festum sancti Andr[ee] novem denarios ad Pascha novem denarios ad festum sancti Ioh[ann]is Baptiste novem denarios ad festum sancti Mich[aelis] novem denarios Hiis testibus Stephano Ridel Will[elm]o Uncle Rob[ert]o de Insula Symone de Insula magistro Elya magistro Nich[ola]o de Derlega Rad[ulf]o capellano magistro Ric[ardo] de Kirkeham Thoma de Haiden magistro Galfr[id]o Grim Ioh[ann]e de Mauketon Rad[ulf]o de Pinu Sym[one] camerario Godefr[ido] et Eustach[io] et multis aliis