Charter Document - 05170064
| Charter Number: | 05170064 |
|---|---|
| Cartulary Title: | Ely 1198-1256 Volume 42 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1198 - 1215 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis Eust[achius] Dei gratia Elien[sis] episcopus salutem Noverit universitas vestra nos divine pietatis intuitu ad presentacionem Eust[achii] de Faukenberg persone ecclesie de Weston accedente quoque consensu prioris et monachorum de Lewes ad quos ipsius ecclesie pertinet patronatus concessisse et hac carta nostra confirmasse Ioh[ann]i de Brichthelmeston clerico perpetuam vicariam eiusdem ecclesie de Weston solvendo inde annuatim predicto Eust[achio] et successoribus suis eiusdem ecclesie personis unam marcam argenti nomine pensionis et priori et monachis de Lewes duos solidos et vi denarios antiquam scilicet et debitam pensionem Hiis testibus magistro Ioh[ann]e Grim Rad[ulfo] capellano Ric[ardo] de Runhale magistro Gaufr[ido] Grim magistro Regin[aldo] de Parisius magistro Ioh[ann]e de Mauketon Samsone clerico Rad[ulfo] de Pinu Thom[a] clerico Ioh[ann]e de Templo et multis aliis