Charter Document - 05170054
| Charter Number: | 05170054 |
|---|---|
| Cartulary Title: | Ely 1198-1256 Volume 42 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1198 - 1214 |
| Date type: | Assigned |
| Resource Link(s): |
|
Charter:
Eustachius Dei gratia Elyens[is] episcopus omnibus hominibus de honore beate Etheldrede ad quos presens carta pervenerit salutem in Domino Ad universitatis vestre notitiam volumus pervenire nos dedisse et concessisse et presenti carta nostra confirmasse Deo et ecclesie beate Marie de Ely homagium et servitium magistri Nicholai cementarii cum toto tenemento suo scilicet cum uno masagio in Ely et quinque acris terre ad tenendum de eadem ecclesia hereditarie libere et quiete per servitium trium solidorum per annum pro omni servitio consuetudine et exactione Dedimus etiam et concessimus eidem ecclesie homagium et servitium Ric[ard]i de Melkesham cum tenemento suo scilicet uno masagio in Ely ad tenendum de eadem ecclesia hereditarie libere et quiete per servitium duodecim denariorum per annum pro omni servitio consuetudine et exactione salvo pontagio Elyen[si] Et preterea ratam et gratam habemus emptionem quam Adam sacrista Elyens[is] fecit de Ranulfo pistore et Matilda uxore sua de uno masagio iuxta eandem ecclesiam et quatuor denariatas redditus quas de illo masagio annuatim habere consuevimus eidem ecclesie dedimus et quietas clamavimus inperpetuum cum omnibus servitiis et consuetudinibus et exactionibus ad predictum masagium pertinentibus salvo pontagio Elyen[si] Hanc autem donationem et concessionem fecimus predicte ecclesie in dotem die beati Iacobi apostoli quando eam in honore Dei et beate Marie matris sue dedicavimus ad inveniendum luminaria in predicta ecclesia in festivitatibus et commemorationibus beate virginis Marie Debent autem predicti redditus eiusdem ecclesie in die sue dedicationis annuatim persolvi Hiis testibus Ric[ardo] archidiacono Elyen[si] Rad[ulf]o archidiacono Middelsex magistro Amando Rad[ulf]o capellanis magistro Ioh[ann]e Grim magistro Rob[ert]o de Eborac[o] magistro Thom[a] de Driffeld magistro Ric[ardo] de Kirkeham Rad[ulf]o de Pinu Simon[e] de Insula senescallo Will[elm]o Uncle Petro Picot Elya clerico Iordano aurifabro Ioh[ann]e le Bev[er]aunt Mauric[i]o portario Rob[er]to mercatore Rob[er]to le Bev[er]aunt Alex[andro] Drueri et multis aliis