Charter Document - 05170050

Omnibus sancte matris ecclesie filiis ad quod presens scriptum pervenerit Eust[achius] Dei gratia Elyen[sis] episcopus salutem in Domino Dignum et iustum est ut eis favor benignior impendatur et commoditates eorum diligentius procurentur qui pro omnium tam vivorum quam defunctorum fidelium commodo et salute propriis voluntatibus renunciantes sub religionis habitu elegerunt perpetuum Domino impendere famulatum ad quorum vota que ab honestate non discrepant nos qui divina dispositione eis presidemus in officio pastorali in hac parte tenemur exhibere faciles et benignos Considerantes igitur sub quanta difficultate et incommoditate ad refectorium dilectorum filiorum in Cristo monachorum Elyensium cervisia et alia cotidie minus honeste deferebantur per claustrum et volentes ad petitionem eorum et instantiam diligentem prefatis importunitatibus subvenire dedimus eisdem monachis et concessimus et presenti carta nostra confirmavimus pro anima nostra et antecessorum et successorum nostrorum episcoporum Elyen[sium] locum ad celarium eis commodius faciendum inter refectorium et murum porticus qua itur a camera nostra ad ecclesiam et viam latitudinis octo pedum a pistrino suo usque ad dictum celarium Hiis testibus Thom[a] de Haiden Ioh[ann]e rectore ecclesie de Foxtun magistris Rob[erto] de Ebor Ric[ardo] de Kircha[m] Ioh[ann]e de Storteford et Galfr[ido] Grim Rad[ulfo] de Pinu Walt[er]o de Kircha[m] Simone de Hadham Henr[ico] de Legha Ric[ardo] de Tatakastr clericis Sim[one] senescallo Petr[o] Picot et multis aliis