Charter Document - 05170047

Universis sancte matris ecclesie filiis ad quos presens carta pervenerit Eustach[ius] Dei gratia Elyens[is] episcopus salutem in Domino Noverit universitas vestra nos dedisse et concessisse et presenti carta nostra confirmasse pro anima nostra et antecessorum nostrorum pariter et successorum Elyensiu[m] episcoporum quinque marcas per annum ad cereum ante altare beati virginis in monasterio Elyen[si] reddendas videlicet in festo sancti Andree sexdecim solidos et octo denarios ad Pascha sexdecim solidos et octo denarios in nativitate sancti Ioh[ann]is Baptiste sexdecim solidos et octo denarios in festo sancti Mich[ael]is sexdecim solidos et octo denarios et duas marcas argenti et dimidiam monachis eiusdem loci ad anniversarium nostrum faciendum ita quod eodem die prefati monachi habeant ad pitanciam unam marcam et viginti solidi eodem die in usus pauperum expendantur de centum solidatis terre in Bernigham et eius pertinentiis quas perquisivimus de Hamelino comite Warennie Debent autem prefati monachi dictos centum solidos de scaccario nostro et successorum nostrorum percipere terminis antedictis videlicet quinque marcas in quatuor anni terminis predictis et duas marcas et dimidiam in festo sancti Mich[ael]is Hiis testibus Rad[ulfo] archidiacono Middelsex Ric[ardo] archidiacono Colecestr magistro Amando Rad[ulf]o capellano magistro Thom[a] de Driffeld magistro Rob[er]to Ebor magistro Hamone magistro Ioh[ann]e de Malketon Rad[ulf]o de Pinu Will[elmo] Uncle Thom[a] de Heiden Symone de Insula Petro Picot Graelendo fratre suo et multis aliis