Charter Document - 05170023

In nomine Patris et Filii et Spiritus Sancti amen E[ustachius] Elien[sis] episcopus S[amson] abbas sancti Eadm[undi] R[ogerus] decanus Linc[olniensis] loco domini Linc[olniensis] episcopi constitutus electi arbitri a domino Cant[uariensi] archiepiscopo H[uberto] et priore et conventu Cant[uariensis] ecclesie iuxta formam compromissi pro bono pacis et tranquillitatis Cant[uariensis] ecclesie providimus et ordinavimus ut si placet domino Cant[uariensi] edificare ecclesiam apud Lamhee hoc modo fiat Edificet ubi voluerit in area illa dummodo non super fundamenta operis illius quod auctoritate domini pape dirutum est Instituantur in ecclesia illa canonici ordinis Premonstraten[sis] ita quod non sint plures quam viginti nec pauciores quam tredecim Hanc ecclesiam poterit dotare dominus archiepiscopus usque ad quantitatem centum librarum annuarum de ecclesiis ad ipsum pertinentibus vel de aliis bonis que possidet nomine Cant[uariensis] ecclesie exceptis ecclesiis de Muneketon de Estreia de Einesford de Mapeha[m] et ecclesiis que sunt in maneriis monacorum et exceptis aliis rebus que coram nobis in questionem deducte sunt Erit autem ecclesia ista mediocris iuxta prefatum numerum personarum et predictam dotem modificata habito respectu ad morem et mediocritatem edificandi ecclesiam quibus utuntur canonici eiusdem ordinis Sane ad tollendam omnem materiam suspicionis et scandali pro bono pacis et perpetue tranquillitatis providimus ut in ecclesia illa archiepiscopi ordines aut concilia aut consecrationes episcoporum aut benedictiones abbatum non celebrent aut crisma conficiant Nec hoc in derogationem dignitatis archiepiscopalis aut iuris ordinatum est sed pro commodo tranquille pacis presertim cum secundum auctoritatem canonum in quibusdam cenobiis misse publice non sint celebrande ne turbetur quies religiosorum Nec faciant archiepiscopi congregationem canonicorum secularium et dotent de bonis Cant[uariensis] ecclesie sine assensu conventus Cant[uariensis] aut sanioris et maioris partis conventus Ad robur et firmitatem status istius in perpetuum observandi dominus archiepiscopus litteris suis patentibus approbabit hoc arbitrium nostrum et conventus similiter Procurabunt etiam dominus archiepiscopus et conventus bona fide et sine omni malo ingenio apud dominum papam et apud dominum regem ut et ipsi hoc ipsum confirment Procurabunt etiam cum omni diligentia bona fide apud suffraganeos Cant[uariensis] ecclesie et maiora collegia Cant[uariensis] provincie quod sigilla sua huic arbitrio apponant Hiis fideliter peractis et efficaciter procuratis procedat res sicut preordinatum est De ecclesiis autem ita disposuimus quod clerici qui eas tenent habeant eas quoad vixerint scilicet Simo[n] Wellen[sis] archidiaconus ecclesiam de Muneketon sub annua pensione x aureorum magister Rad[ulfus] de sancto Martino ecclesiam de Estreia sub annua pensione vi aureorum Virgilius ecclesiam de Mappeha[m] sub annua pensione unius aurei elemosinarie Cant[uariensis] ecclesie solvendorum dominus archiepiscopus I[ohannes] quondam Lugdun[ensis] ecclesiam de Einesford tenebit pacifice quoad vixerit Post mortem vero Simonis in ecclesia de Muneket percipiet sumptibus suis et laboribus prefata elemosinaria nomine beneficii pro bono perpetue pacis medietatem decimarum et aliorum pertinencium excepto altaragio Reliqua vero medietas cum altaragio remanebit in donatione domini archiepiscopi et successorum suorum In ecclesia de Estreia similiter fiet post mortem Rad[ulfi] Virgilio autem decedente prefata elemosinaria percipiet sumptibus suis et laboribus in ecclesia de Mapeha[m] similiter nomine beneficii terciam partem decimarum et aliorum pertinentium excepto altaragio quod cum residuo remanebit in donatione domini archiepiscopi et suorum successorum In ecclesia de Einesf post obitum iamdicti Lugdun[ensis] archiepiscopi similiter fiet Nomine autem altaragii intelligimus omnia mobilia ecclesie legata oblationes omnes et decimationes preter decimas bladi leguminis et feni Terras autem et terrarum redditus et capellarum pensiones ad altaragium dicimus non pertinere Capellarum autem cum vacaverint super hiis que eis vacantibus ad matricem ecclesiam pertinere noscuntur talis fiat distribucio qualis et aliorum pertinentium predictarum ecclesiarum cum capelle sint de pertinentiis earumdem ecclesiarum Quod autem diximus de medietate vel de tercia decimarum predictarum ecclesiarum intelligimus de illis tantum que in contentione coram nobis deducte sunt aliis in antiquo suo statu manentibus Omnia vero que percipient monachi in predictis ecclesiis in usus pauperum expendantur ita quod non minuantur aut subtrahantur ob hoc que prius assignata fuerant elemosinarie De xeniis quorumdam maneriorum conventus ita disposuimus ut dominus archiepiscopus H[ubertus] sit in possessione eorum quoad vixerit salvo in omnibus iure monachorum post eius obitum si quod habent in petitorio seu possessorio super eisdem xeniis nisi communi consensu aliter inter se interim statuerint De mariscis et moris et piscariis sic erit eligantur de communi assensu viri boni et fide digni xii aut plures qui veritatem super hiis melius noverunt et fidelius voluerint testimonium perhibere veritati et iurati dicant ad quam potius partium predicta de iure pertineant et stetur dicto omnium aut maioris partis Dominus archiepiscopus precipiet illis sub interminatione anathematis ut verum dicant bona fide et sine acceptione persone Hec autem arbitrati sumus salva in omnibus apostolice sedis auctoritate et reverentia Factum est autem hoc arbitrium anno incarnationis dominice MCC pontificatus domini Innoc[entii] iii summi pontificis tercio regni regis Ioh[ann]is secundo viii idus Novembris apud Westm[onasterium]