Charter Document - 05170004

Omnibus sancte matris ecclesie filiis ad quos presens scriptum pervenerit E[ustachius] divina miseratione Elien[sis] episcopus et W[illelmus] prior de Brenewell et Ric[ardus] Elien[sis] archidiaconus salutem Ad universitatis vestre volumus pervenire notitiam causam que vertebatur coram nobis auctoritate Innocentii pape iii inter A[lbertum] de Nevill rectorem ecclesie de Mamecestr et priorem et monachos de Lenton super cimiterio de Kersale et eiusdem loci decimis in hunc modum amicabiliter conquievisse videlicet quod prior et conventus de Lenton prestabunt annuatim pro bono pacis cimiterii matricis ecclesie de Mamcestr duos ceres unius libri cere et dimidii die assumptionis beate Marie Idem etiam prior et conventus promiserunt in verbo Domini quod nullum ex parochianis matricis ecclesie de Mamcestr admittent ad aliqua ecclesiastica sacramenta [et] ad oblationem siquidem et sepulturam nullum admittent ex parochianis dicte ecclesie nisi salva indempnitate eiusdem ecclesie Prior etiam sive alius qui apud Kersale pro loco custodiendo pro tempore fuerit idem promittet in verbo Domini persone matricis ecclesie se observaturum Si autem contra hanc compositionem idem prior aut monachi venire presumpserint pro qualibet super hoc transgressione dabunt prior et conventus de Lenton persone matricis ecclesie duos solidos Pro decimis vero illius loci retinendis dum terram illam propriis sumptibus excolunt dabunt prior et monachi matrici ecclesie de Mamecestr annuatim duos solidos ad Natale Ut autem hec compositio rata et inconcussa permaneat eam presenti scripto et sigillorum nostrorum appositione duximus corroborandam Hiis testibus magistro Rob[er]to de Ebor[aco] magistro Ioh[ann]e de Templo magistro Oliv[er]o magistro Henr[ico] de Kent magistro Rob[er]t[o] de Bosco et multis aliis