Charter Document - 05160072
| Charter Number: | 05160072 |
|---|---|
| Cartulary Title: | Édition des actes originaux de l'Abbaye de Maizières, XIIe siècle |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1200 |
| Date type: | Internal |
| Resource Link(s): |
|
Charter:
Ego Robertus Dei gratia episcopus Cabilonensis omnibus tam presentibus quam futuris notifico et impresione sigilli mei testificor quod controversia que vertebatur inter abbatiam Maceriarum et Guidonem filium domini Bertrandi de Sancto Saturnino de decimis Blaygnei et Pullignei ubi isdem Guido calumpniabatur totam medietatem decimarum tam in vineis quam in terris quas monachi Maceriarum possidebant vel excolebant vel alii seculares ab ipsis possidebant vel excolebant in hunc modum fuit terminata et pacificata quod predictus G dedit et concessit in elemosina pro remedio anime sue et suorum Deo et Sancte Marie de Maceriis et monachis eiusdem loci imperpetuum totam illam medietatem decimarum et integro quam calumpniabatur ibi a petraria in sursum tam in vineis quas prefati monachi ibidem possidebant quam in illis quas seculares homines tenebant et excolebant et similiter de terris quas monachi a petraria in sursum possident Si vero a petraria in sursum vinee plantabuntur et edificabuntur similiter concessit libere et ex integro decimam A petraria autem in iusum per totam decimationem Pullignei dedit et concessit prefatis monachis suam decime medietatem de omnibus terris quas monachi tunc temporis possidebant vel seculares homines ab eisdem monachis tunc temporis tenebant et excolebant Pro hac vero elemosina dederunt monachi eidem G XL libras Divionensis monete Hoc iuravit in manu mea memoratus Guido et bona fide promisit manutenere et garantire contra omnes calupnias Si autem ab hoc facto aliquo modo vellet resilire rogavit me ut ipsum et totam terram suam excommunicationi supponerem singulis vero annis dabunt monachi pro hoc dono Guidoni unum denarium censual[iter] tantum in vita sua qui denarius post mortem eius ad monachos revertetur Hoc laudavit mater sua Humbelina Acta sunt hec anno ab Incarnatione Domini M ducentesimo Huius rei testes sunt Guido tunc abbas Maceriarum Tecelinus cellerarius Stephanus monachus Frommondus monachus Buxerie Petrus Pelerinus et Hugo notarius episcopi canonici Cabilonensis Rodulfus archipresbiter Dumignei Filibertus presbiter Chaygnei Robertus presbiter Chaudenai Bernardus nepos domini Radulfi archipresbiteri Villermus miles prepositus de Fontaygnex et Bertrandus presbiter eiusdem loci Teobaudus presbiter Sancti Lupi Philipus hospitalaris Bernardus clericus de Bella Cruce Robertus presbiter Mercurei Bernardus presbiter Chacei Tebertus presbiter Chamillei et plures alii
Source (click image below to view full size)
