Charter Document - 05160071
| Charter Number: | 05160071 |
|---|---|
| Cartulary Title: | Édition des actes originaux de l'Abbaye de Maizières, XIIe siècle |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1200 |
| Date type: | Internal |
| Resource Link(s): |
|
Charter:
Robertus Dei gratia Cabilonensis episcopus omnibus presentem cartam legentibus vel audientibus salutem et pacem Quod vidimus et audivimus hoc testificamur Testificamur itaque quod Arnulfus de Sancto Marcello extra Cabilonem dedit pro remedio anime sue et suorum in elemosina Deo et Sancte Marie Maceriarum et fratribus eiusdem loci mansum Dominici de Balluerre quod debet IIII panes et IIII sextarios vini et duos bichetos avene et XVIII denarios et prandium debetur a monachis duobus comestoribus Mansum Martini quod debet II panes I bichetum avene XII denarios et prandium debetur uni comestori Mansum Garini Fornerii quod debet II panes II sextarios vini VIIII denarios et prandium debetur uni comestori Mansum Gaufridi Daclex quod debet II panes I sextarium vini VI denarios et prandium debetur uni comestori Hoc totum dedit et concessit predictus Arnulfus fratribus Maceriarum libere in perpetuum possidendum Sciendum vero quod avena ista et vinum debent reddi in vindemiis Panes autem et denarii in vigilia sancti Martini subcellarario Maceriarum apud Macerias et quislibet panum istorum debet esse unius cartherenche frumenti et ad Buretellum Hec autem omnia debent esse ad mensuram Gyurei Hoc laudavit Mathelia mater eiusdem Arnulfi et Bernarda uxor eius Hoc laudaverunt Bartholomeus de Mascello et Petrus filius eius et sunt fideiussores de pace et laude tenenda Pro hoc autem facto habuit prefatus Arnulfus in pitantia de monachis Maceriarum XI libras et dimidium Divionensis monete et unam cappam de pannis eorumdem Hoc iuravit prememoratus Arnulfus bona fide monachis Maceriarum garantire et manutenere contra omnes calumpnias et si frater suus redierit de Ierosolimam quod faciet eum laudare Acta sunt hec anno ab Incarnatione Domini millesimo ducentesimo et sigillo nostro confirmata Huius rei testes sunt Willermus Tecelinus monachi Maceriarum Petrus Pelerinus magister Hugo canonici Cabilonenses Guido etiam abbas Maceriarum et Constantinus monachus suus
Source (click image below to view full size)
