Charter Document - 05160060
| Charter Number: | 05160060 |
|---|---|
| Cartulary Title: | Édition des actes originaux de l'Abbaye de Maizières, XIIe siècle |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1194 |
| Date type: | Internal, A.D. |
| Resource Link(s): |
|
Charter:
Omnibus fidelibus Christianis cartam istam legentibus et audientibus Desideratus et Petitus filii Philiberti Gilini salutem Notificamus presentibus et futuris quod nos dedimus abbati et monachis de Maceriis pro LXX et V libris Ledonensis monete unam montatam murie quam habebamus in puteo Ledonis et iuravimus super altare Domini et super sanctorum reliquias quod boni et fideles garentitores erimus monachis de hac muria contra omnes homines qui movebant calumpniam de hac venditione Hoc ipsum iuravit frater noster Rollandus qui fideiussor est de pace Sunt etiam fideiussores de pace Haimonardus Libricus Gilinus Humbertus Bauduinus Philibertus Balbus qui in bona sua fide promisit quod venditionem istam manutenebit et erit fidelis garentitor monachis contra omnes calumpnias et ipse habuit de hac venditione XL solidos Ledonenses Et ut monachi de Maceriis perpetualiter habeant in pace hanc montatam murie et non inquietentur de hac re a parentibus vel heredibus nostris ad nostram precem et peticionem cartam istam sigillo suo munire curavit Durannus sacerdos Ledonis decanus in cuius presentia et audientia Hec omnia a nobis et a nostris fuerunt recognita sicut littere iste testantur anno ab Incarnatione Domini MCLXXXXIIII actum est hoc apud Ledonem Testes sunt hii Nicholaus abbas de Miratorio Guido abbas de Maceriis Stephanus monachus de Miratorio tunc cellerarius Robertus conversus et Willermus conversus de Miratorio Galerannus monachus et Girardus conversus abbatis de Maceriis Valcherius de Puteo Bernardus presbiter Giroldus de Sancto Desiderato Milo Ytherius Albricus de Chilliaco Johannes Morez Johannes Blanchet Durannus de Macello Rainaldus filius eius Girezt et Senebronus filius eius Johannes Bosset Humbertus de Chapey Rollandus filius Hermenier Hugo de Bysuntio
Source (click image below to view full size)
