Charter Document - 05160057
| Charter Number: | 05160057 |
|---|---|
| Cartulary Title: | Édition des actes originaux de l'Abbaye de Maizières, XIIe siècle |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1193 - 1200 |
| Date type: | Assigned |
| Resource Link(s): |
|
Charter:
Domino et Patri sancte venerabili ecclesie episcopo M decanus et universum Lingonensem capitulum salutis et servicii plenitudinem Dominus noster G Lingonensis episcopus et nos ipsi quandam possessionem que dicitur Blaigneium in parrochia vestra sitam quam ecclesia nostra liberam et ab omni seculari potestate et consuetudine absolutam antiqua possessione possederat et utili ecclesie nostre recompensatione G abbati de Maceriis et eius successoribus in perpetuum possidendam concessimus Nunc vero quidam parrochiam vestri nescimus qua presumptione prefatum abbatem et fratres eius super iam dicta possessione conturbare et inquietare presumunt Unde vestram dequa confidimus benigne exoramus dilectionem quatenus eos dequibus ad vos clamor pervenerit submoneatis ut prenomminato abbati pacem teneant aut in ecclesia nostra siquid iuris in sepedicta possessione se habere confidunt in ecclesia nostra adquam possessio pertinere dinoscitur suam experiantur iusticiam Quod si noluerint de eis abbati immo nobis causa Dei et nostre dilectionis intuitu plenariam iusticiam faciatis
Source (click image below to view full size)
