Charter Document - 05160041
| Charter Number: | 05160041 |
|---|---|
| Cartulary Title: | Édition des actes originaux de l'Abbaye de Maizières, XIIe siècle |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1189 |
| Date type: | Internal, A.D. |
| Resource Link(s): |
|
Charter:
Presentis attestatione cyrographi noverint tam presentes quam futuri quod controversia que vertebatur inter monachos et Radulfum de Pomarco Belnensem clericum per interpositionem iuramenti super quadam planta que est in Verioessa in hunc modum terminata est Dictum siquidem fuit et precipue consilio Birardi Jordani quod predictus Radulphus quiete et in pace tenebit plantam illam usque ad Surrellum quod est desuper plantam Laurentii de Boies quod protenditur usque ad planiciem Chaume de qua prius reddebat Bernardo militi de Magno Campo duos denarios sed pro reformatione facte pacis additur unus denarius duobus denariis ita quod tres denarios reddet annuatim Radulphus memoratis monachis in festo sancti Bartholomei et pro censu isto Radulphus usque ad prefatum Surrellum quiete et libere possidebit Dederunt etiam monachi eidem Radulpho quandam peciam terre pro vinea edificanda que adheret sepedicto Surrello et de illa pecia reddet Radulphus ecclesie Maceriarum singulas annis tres denarios in festo sancti Bartholomei Et pecia illas cum toto edificio post obitum Radulphi ad ipsos monachos revertetur Inde sunt testes dominus Leobaldus Ieremie Girardus Jordanus Odo Bertelans Hugo de Aspres In testimonium huius rei monachi Maceriarum habebunt medietatem huius cirographi sigillo Beate Marie Belnensis insignitam Altera medietas cyrographi erit penes Radulfum sigillo abbatis de Maceriis communita Actum est anno ab Incarnatione Domini nostri Ihesu Christi millesimo centesimo octogesimo nono
Source (click image below to view full size)
