Charter Document - 05150144
| Charter Number: | 05150144 |
|---|---|
| Cartulary Title: | The Chartulary of the Abbey of Lindores |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1262 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibvs Christi fidelibus presentes literas visuris vel audituris Gilbertus Dei gracia Prior cathedralis ecclesie sancti Andree et ejusdem loci Conventus humilis salutem eternam in Domino Noverit universitas vestra nos de communi consensu capituli nostri auctoritate dei et beati andree apostoli caritatis intuitu concessisse et hac presenti carta nostra confirmasse ecclesie sancte marie et sancti andree de Lundors et Monachis ibidem deo servientibus et in perpetuum servituris ecclesiam de Cullessyn Sancti Andree dioecesis cum omnibus juribus et pertinenciis suis quam nobilis vir dominus Rogerus de Quency Comes Wynton et constabularius Scocie patronus ejusdem ecclesie de Cullessyn pro salute anime sue et antecessorum et successorum suorum eisdem Monachis quantum in ipso fuit per cartam suam donavit Et venerabilis pater Gamelinus divina providencia episcopus noster Sancti Andree eisdem pie contulit et concessit ac per cartam suam confirmavit in usus suos proprios perpetuo possidendam prout in eisdem cartis quas inde habent plenius continetur Ita videlicet quod cedente vel decedente Magistro Ada de Malcarston rectore predicte ecclesie liceat eisdem monachis eandem ecclesiam de Cullessyn tanquam suam propriam autore Deo ingredi ac inperpetuum tenere et in usus proprios pacifice possidere ita libere quiete plenaria et honorifice in omnibus sicut alii viri religiosi in dioecesi Sancti Andree ecclesias suas in usus proprios liberius quiecius plenius et honorificencius tenent et possident Salva vicario in eadem ecclesia perpetuo servituro sufficienti et honeste sustentacione sua de proventibus et bonis ejusdem ecclesie Et salvis dicto domino nostro Episcopo Sancti Andree et suis successoribus juribus suis episcopalibus in omnibus In cujus rei testimonium presens scriptum apposicione communis sigilli capituli nostri duximus roborandum Teste capitulo ipso Apud sanctum Andream die sancti barnabe apostoli Anno gracie millesimo CC sexagesimo secundo
Source (click image below to view full size)
