Charter Document - 05150141
| Charter Number: | 05150141 |
|---|---|
| Cartulary Title: | The Chartulary of the Abbey of Lindores |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1262 |
| Date type: | Assigned |
| Resource Link(s): |
People of Medieval Scotland |
Charter:
Omnibvs presens scriptum visuris vel audituris Rogerus de Quency Comes Wynton Constabularius Scocie eternam in domino salutem Nouerit vniuersitas vestra nos caritatis intuitu et pro salute anime nostre et pro animabus antecessorum et successorum nostrorum dedisse concessisse et presenti carta nostra confirmasse deo et beate marie et ecclesie sancti andree de Lundors et abbati et conuentui ibidem deo seruientibus et in perpetuum seruituris ecclesiam de Cullessyn cum omnibus suis pertinenciis Habendam et tenendam dicto abbati et conuentui et eorum successoribus in liberam puram et perpetuam elemosinam libere quiete bene et in pace in perpetuum sicut aliqua ecclesia melius liberius et quiecius in Regno Scocie dari poterit et concedi videlicet quod cedente vel decedente magistro Ada de Malcariuston Rectore dicte ecclesie liceat predictis abbati et conuentui et eorum successoribus pro nobis et heredibus nostris in dictam ecclesiam pacifice intrare possidere et in vsus proprios conuertere si eandem ecclesiam in vsus proprios aliquatenus possint impetrare Et si eandem ecclesiam in vsus proprios conuertendam possint impetrare et optinere nos vel heredes nostri nichil iuris seu clamium in dicta ecclesia de cetero exigemus seu vendicabimus nec contra suam impetracionem in aliquo veniemus Et nos et heredes nostri dictam donacionem concessionem et confirmacionem dicte ecclesie de Cullessyn cum omnibus suis pertinenciis vt prenominatum est dictis abbati et conuentui et eorum successoribus contra omnes gentes in perpetuum warentizabimus Set si dictam ecclesiam in vsus proprios conuertendam non possint impetrare jus aduocacionis in dictam ecclesiam ad nos et heredes nostros expresse et sine alicuius contradiccione reuertetur In cuius Rei testimonium et securitatem presentem cartam sigilli nostri impressione duximus roborandam Hiis testibus dominis Willelmo de Oylby Johenne Becard militibus magistro Ada de Malcariuston magistro Eustachio de Sceleford Domino Ricardo de Radeswel Magistro Roberto tunc phisico nostro domino Willelmo de Sancto Edwardo capellano Saero de Seton Rogero Raboch Alexandro de Seton Rogero Bourc clerico et aliis
Source (click image below to view full size)
