Charter Document - 05150137
| Charter Number: | 05150137 |
|---|---|
| Cartulary Title: | The Chartulary of the Abbey of Lindores |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1248 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Universis sancte Matris ecclesie filiis presens scriptum visuris vel audituris Rogerus de Quency Comes Winton Constabularius Scocie Salutem in domino sempiternam Noveritis nos caritatis intuitu pro salute anime nostre et pro salute animarum antecessorum et successorum nostrorum dedisse concessisse et hac presenti Carta nostra confirmasse in liberam puram et perpetuam elemosinam deo et ecclesie Sancte Marie de Lundors et Monachis ibidem Deo servientibus et in perpetuum servituris ducentas Carratas bruere in mora nostra de Kyndoloch annuatim inperpetuum percipiendas in loco nobis et heredibus nostris minus nocivo et dictis Monachis competenciori Et si ducente Carrate bruere eis non sufficiant volumus quod ipsi propinquiores sint omnibus aliis ad brueram eandem quantum necesse habuerint in eadem bruera Dedimus eciam eisdem monachis et eorum successoribus pro nobis et heredibus nostris ad sustentacionem domus sue de Lundors licenciam fodiendi et percipiendi annuatim imperpetuum tot petas in peteris nostra que vocatur Monegre quot voluerint ad sufficienciam sustentacionis sue Ita videlicet quod nullus alius in dicta peteria nostra petas fodiat sine licencia et voluntate dictorum monachorum nec ipsi de predicta peteria dabunt nec vendent nec aliquo alio modo alienabant nec conuertent nisi in usus proprios predicte domus sue concessimus eciam eisdem monachis longitudinem et latitudinem unius acre in dicta mora eis annuatim assignande proximo adjacente loco in quo dictas petas fodient In cujus quidem acre longitudine et latitudine predictas petas suas sine alicujus impedimento licite possint desiccare Dedimus preterea dictis monachis unum messuagium adjacens proximo vado quod vocatur Ethyweyn ex parte orientali in campo de Thoreston continens duas acras terre ad quod quid em mesuagium attractum suum de bruera et petis facere possunt et custos eorum qui predictum mesuagium et focale custodiet quicunque pro tempore fuerit duas vaccas et decem oves in communi pastura more nostre de Kyndeloch habeat pascentes Volumus eciam quod predicti monachi et eorum homines cum suis bobus et carris liberum chiminagium habeant per rectum usque moram pro bruera et per mediam moram pro petis et abinde ad mesuagium suum redeundo sine alicujus impedimento vel contradiccione Concedimus eciam eisdem monachis pro nobis et heredibus nostris quod eorum boves qui predictum focale attraxerint communem pasturam habeant in dicta mora nostra de Kyndeloch a tempore quo inceperint ad trahendum usque ad Nativitatem beate Marie virginis annuatim Ita tamen quod nullatenus causa istius nostre donacionis seu concessionis aliquod de suis averiis nec aliquem de suis bobus in dicta pastura ponere possint nisi solummodo boves suos dictum focale attrahentes per tempus prenotatum Habendum et tenendum de nobis et heredibus nostris predictis monachis in perpetuum libere quiete et solute secundum quod aliqua elemosina liberius quiecius et honorificencius dari potest vel concedi Nos vero et heredes nostri predictas ducentas carratas bruere et dictam poteram cum omnibus aliis superius notatis predictis monachis et eorum successoribus contra omnes gentes warantizabimus acquietabimus et inperpetuum defendemus In cujus rei testimonium presens scriptum sigilli nostri munimine fecimus roborari Hiis testibus dominis Ricardo de Wykes Johanne Berkard Johanne de Wemes Roberto de Hereford et Philipo de Chetewind militibus Johanne de Kyndeloch Christephero de Seton Alexandro filio suo Roberto et Rogero de Crafford clericis et aliis Datum apud Dysart prima dominica quadragesime Anno domini M Ducentesimo Quadragesimo Septimo
Source (click image below to view full size)
