Charter Document - 05150136
| Charter Number: | 05150136 |
|---|---|
| Cartulary Title: | The Chartulary of the Abbey of Lindores |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1302 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Vniversis Christi fidelibus presentes liberas visuris vel audituris Elena relicta quondam domini Willelmi de Brechin domina de Kyndeloch Salutem in salutis auctore Noverit universitas vestra me in viduitate mea dedisse concessisse et hac presenti carta mea confirmasse deo et Monasterio Sancte Marie et Sancti Andree de Lundors et Monachis ibidem Deo servientibus et inperpetuum servituris pro salute anime mee et animarum omnium antecessorum et successorum meorum duas porciunculas terre infra tenementum meum de Kyndeloch quas personaliter perambulavi et abbatem de Lundors suo et conventus sui nomine in possessionem posui corporalem ad ponendum sive staccandum petas suas sive focale quandocunque eis videbitur expedire et ad edificia in eisdem construenda pro dicto focali salvando Quarum porciuncularum terre una vocatur Insula qui jacet ex parte boreali immediate juxta terram dictorum monachorum quam habent et prius habuerunt in villa de Kyndelohc et circumdata est illa insula ex parte occidentali et boreali quodam Marisio quod anglie dicitur Seggymir et ex parte orientali quodam Marisio quod vocatur anglie Muchellir alia vero porciuncula est in parte australi more de Edin jacens ex parte boreali immediate ad Marisium monachorum quod alio nomine dicitur Mungrey Et illa porciuncula terre unam acram et quartam partem acre continet Dedi eciam et concessi et hac presenti carta mea confirmavi dictis Monachis licenciam et liberam viam ducendi sive cariandi sine impedimento dictum focale suum per terras meas de Kyndeloch de Marisio suo ad utrumque locum et extra quociescunque opus fuerit et dictis monachis placuerit Et hanc presentem donacionem meam dictis monachis in puram et perpetuam elemosinam per me concessam et factam contra omnes homines et feminas libere et quiete warantizabo Et warantizandum me et heredes meos per presentes obligo In cujus rei testimonium presentibus sigillum meum apposui Datum apud Lundors die veneris in festo Sancti Bartholomei apostoli Anno gracie MCCC secundo Hiis testibus domino Johanne decano Dunblanensi dominis Roberto et Johanne Capellanis meis Magistris Michaele et Thoma clericis meis Waltero Byseth Johanne de Kyndeloch Roberto Cumyn et multis aliis
Source (click image below to view full size)
