Charter Document - 05150132
| Charter Number: | 05150132 |
|---|---|
| Cartulary Title: | The Chartulary of the Abbey of Lindores |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1263 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Alexander dei gracia Rex Scottorum Omnibus probis hominibus tocius terre sue Salutem Sciatis nos concessisse et hac presenti carta nostra confirmasse Donacionem illam quam Rogerus de Quency Comes Wintoun Constabularius Scocie fecit caritatis intuitu pro salute anime sue et pro animabus antecessorum et successorum suorum deo et beate Marie et ecclesie sancti Andree de Lundors et abbati et conuentui ibidem deo seruientibus et in perpetuum seruituris de ecclesia de Cullessin cum omnibus suis pertinenciis Tenenda et habenda eisdem abbati et conuentui et eorum successoribus in perpetuum in liberam puram et perpetuam elemosinam adeo libere quiete plenaria et honorifice sicut carta dicti Comitis eis inde confecta plenius iuste testatur Testibus Gamelino episcopo sancti Andree Ricardo episcopo Dunkeldensi Roberto episcopo Dunblanensi Willelmo Comite de Marre Camerario Johanne Cumyn Hugone de Abirnethin Hugone de Berklay Justiciario Leodonie Johanne de Lamberton apud Linlithgov vicesimo quinto die decembris anno regni nostri Quinto decimo
Source (click image below to view full size)
