Charter Document - 05150131
| Charter Number: | 05150131 |
|---|---|
| Cartulary Title: | The Chartulary of the Abbey of Lindores |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1262 |
| Date type: | Assigned |
| Resource Link(s): |
People of Medieval Scotland |
Charter:
Omnibvs presens scriptum visuris vel audituris Rogerus de Quency Comes Wyntone Constabularius Scocie eternam in domino salutem Nouerit vniuersitas vestra nos caritatis intuitu et pro salute anime nostre et pro animabus antecessorum et successorum nostrorum dedisse concessisse et presenti carta nostra confirmasse deo et beate marie et ecclesie sancti andree de Lundors et abbati et conventui ibidem deo servientibus et in perpetuum servituris Ecclesiam de Culessin cum omnibus suis pertinenciis Habendam et tenendam dicto abbati et conventui et eorum successoribus in liberam puram et perpetuam elemosinam libere quiete bene et in pace in perpetuum Sicut aliqua ecclesia melius liberius et quiecius in Regno Scocie dari poterit et concedi videlicet quod cedente vel decedente magistro Adam de Malcarreston Rectore dicte ecclesie liceat predictis abbati et conuentui et eorum successoribus pro nobis et heredibus nostris in dictam ecclesiam pacifice intrare et possidere et in vsus proprios conuertere si eandem in vsus proprios aliquatenus possint impetrare Et si eandem ecclesiam in vsus proprios conuertendam possint impetrare et optinere nos vel heredes nostri nichil juris seu clamium in dicta ecclesie de cetero exigemus seu vendicabimus nec contra suam impetracionem in aliquo veniemus Et nos et heredes nostri dictam donacionem concessionem et confirmacionem dicte ecclesie de Culessyn cum omnibus suis pertinenciis vt prenominatum est dictis abbati et conuentui et eorum successoribus contra omnes gentes in perpetuum warantizabimus Set si dictam ecclesiam in vsus proprios conuertendam non possint inpetrare jus aduocacionis in dicta ecclesia ad nos et heredes nostros expresse et sine alicuius contradicoione reuertetur In cuius rei testimonium et securitatem presentem cartam sigilli nostri impressione duximus Roborandam Hiis testibus Dominis Willelmo de Oyly Johanne becard militibus Magistro Adam de Malcarreston Magistro Eustacio de Scelford domino Ricardo de Radeswelle Magistro Roberto tunc phisico nostro domino Willelmo de Sancto Edwardo capellano Saero de Setun Rogero Raboc Alexandro de Seton Rogero Bourc clerico et aliis
Source (click image below to view full size)
