Charter Document - 05150126

Robertvs dei gracia Rex Scottorum Omnibus probis hominibus tocius terre sue clericis et laicis Salutem Sciatis nos pro salute anime nostre et pro salute animarum omnium antecessorum et successorum nostrorum regum Scocie dedisse concessisse et hac presenti carta nostra confirmasse deo et beate Marie Virgini Sancto Andree et Monasterio de Lundors Religiosis viris Abbati et monachis ibidem deo servientibus et inperpetuum servituris terras de Kynmuk de Balbuthan et de Hathirwych cum multuris earumdem terrarum in escambium terre de Bernes in le Garviauch quam dicti religiosi habuerunt ex dono et infeodacione Dilecti fratris nostri domini edwardi de Brus Tenendas et habendas dictis monachis et eorum successoribus in perpetuum per omnes rectas metas et divisas suas in bosco et plano pratis pascuis et pasturis viis semitis moris mariscis aquis stagnis vivariis et multuris in aucupacionibus et venacionibus et cum omnibus aliis libertatibus commoditatibus aisiamentis consuetudinibus et ceteris pertinenciis ad dictam terram spectantibus seu alio modo spectare valentibus in futurum in liberam puram et perpetuam elemosinam adeo libere et quiete pacifice integre et honorifice cum omnibus libertatibus et commoditatibus suis tam non nominatis quam nominatis sicut aliqua terra alicui monasterio seu pio loco per nos aut predecessores nostros infra regnum nostrum Scocie in liberam puram et perpetuam elemosinam data et concessa liberius quiecius plenius aut honorificencius tenetur aut possidetur ita quod de dictis terris cum pertinenciis aut de monachis supradictis uel eorum hominibus dictas terras inhabitantibus nichil omnino exigi aut demandari poterit in futurum preter oracionum tantummodo suffragia deuotarum In cuius []