Charter Document - 05150125

Omnibvs Christi fidelibus hoc scriptum visuris vel audituris Agnes de Arroch priorissa de Elyoch et eiusdem loci conuentus salutem in domino sempiternam Nouerit vniuersites vestra quod cum auctoritate apostolica coram discreto viro domino N Abbate de Dunfermelyn vnico judice delegato eiusque commissario decano scilicet Christianitatis de Abirden et Magistro Scolarum eiusdem loci mota esset controuersia inter religiosos viros dominos N abbatem et conuentum de Lundors actores ex parte vna et nos reas ex altera super multura terre nostre de Kynhard soluenda et secta facienda molendino dictorum abbatis et conuentus tanquam molendino syre de Lundors quod est ipsorum abbatis et conuentus ex donacione inclite recordacionis comitis Dauid nobis quia ex parte dictorum Abbatis et conuentus esset editum sub hac forma Dicunt et proponunt in iure coram vobis Domine N magister scolarum Abirden Commissari Domini N abbatis de Dunfermelyn vnici iudicis a sede apostolica delegati abbas et conuentus monasterii de Lundors contra priorissam et conuentum de Elyoch quod cum felicis recordacionis nobilis vir comes Dauid pro salute anime sue et predecessorum et successorum suorum molendinum de Lundors cum tota secta sua et multura eisdem et monasterio suo dedisset et concessisset in puram et perpetuam elemosinam de cuius secta molendini villa de Kynhard extitit et existit iidem priorissa et conuentus sectam et multuram eiusdem ville ad predictum molendinum spectantes subtrahentes homines qui ad predictam sectam tenentur ne ad predictum molendinum accedant sicut tenentur et consueuerunt presumunt et diucius presumpserunt contra iusticiam impedire in eorum abbatis et conuentus preiudicium et grauamen non modicum vnde dictos abbatem et conuentum predictis secta et multura iam per triginta et quatuor annos elapsos defraudarunt Quare petunt dicti abbas et conuentus dictas priorissam et conuentum a predicto impedimento coherceri et predictos homines ad predictam sectam faciendam auctoritate apostolica compelli Petunt eciam dicti abbas et conuentus arreragia multure prouenientis ex dicta secta sibi cum integritate reddi qui estimant valere centum et viginti marcas sterlingorum Hec dicunt et petunt dicti abbas et conuentus saluo sibi iuris beneficio in omnibus addendi minuendi mutandi et omnia alia faciendi que sibi poterunt prodesse et parti aduerse obesse protestantes se velle petere expensas in lite factas et de cetero faciendas Tandem maiores persone conuentus nostre pro nostra contumacia a predictis iudicibus ab ingressu ecclesie suspense lesamque in hac parte habentes conscienciam liti pocius cedere quam contendere existimauimus Vnde cum prefatis monachis super prefatis secta et multura de Kynhard conuenimus in hunc modum videlicet quod quamdiu contigerit nos non habere proprium molendinum infra dictam terram nostram de Kynhard constructum firmarii nostri de eadem terra seu homines nostri in ipsa manentes uel quicunque alii ipsam terram colentes quocunque nomine censeantur facient sectam et multuram debitam soluent molendino dictorum abbatis et conuentus Postquam autem molendinum infra limites dicte terre nostre de Kynhard construxerimus ad quod construendum dicti Abbas et conuentus nobis plenariam licenciam dederunt a die ipsius molendini totaliter constructi solvemus singulis annis prefatis abbati et conventui per nos vel per manus firmari orum nostrorum seu quorumcunque aliorum dictam terram de Kynhard colencium pro dictis secta et multura tres marcas argenti ad duos terminos anni videlicet viginti solidos ad penthecosten et alios viginti solidos ad festum Sancti Martini in hyeme Ita quod si infra octo dies cujuscunque termini de porcione ejusdem termini non fuerit eisdem abbati et conventui satisfactum liceat eisdem ex tunc nanos nostros et firmari orum hominumque nostrorum in dicta terra manencium nullius requisito consensu nec ab aliquo aliqua petita licencia capere et tam diu nulli reple piandos nec ad vadium dandos neque aliquo alio modo liberandos detinere quousque eisdem abbati et conventui de porcione suo termino non soluta plenaria fuerit satisfactum Ut autem ista convencio firma sit et stabilis inperpetuum Nicholaus dei gratis tunc abbas de Lundors pro se et conventu suo et successoribus suis et ego prefata Agnes priorissa de Elyoch pro me et conventu mea et nobis succedentibus ad premissa omnia fideliter et sine diminucione futuris temporibus observanda invicem affidavimus Si vero contigerit quod absit nos moniales vel nobis succedentes vel aliquem nomine nostro vel ecclesie nostre in aliquo tempore contra prefatam convencionem aliquod attemptare in prejudicium dictorum abbatis et conventus volumus quod dicta controversia jam sedata sit in eodem statu quo fuit die hujus convencionis ita tamen quod non audiamur in judicio hec aliqua fides dictis nostris vel procuratoris nostri adhibeatur donec de centum et viginti marcis in dicte edicione petitis racione arreragiorum dictarum secte et multure non solutarum nec non de dampnis et expensis que vel quas dicti abbas et conventus incurrerint aut fecerint occasione dicte convencionis non observate super quibus simplici eorum verbo vel procuratoris sui credi volumus ipsis abbati et conventui integre et totaliter satisfecerimus In cujus rei testimonium uni parti istius scripti in modum chirograffi confecti residenti penes prefatos abbatem et conventum sigilla venerabilis patris domini Willelmi dei gracia Episcopi Sancti Andree et predicti abbatis de Dunfermelyn una cum communi sigillo capituli nostri sunt appensa Alteri vero parti penes nos remanenti commune sigillum capituli monasterii de Lundors est appositum Datum apud Lundors die conversionis Sancti Pauli apostoli anno domini millesimo ducentesimo octogesimo primo