Charter Document - 05150124

Omnibvs Christi fidelibus ad quos presens scriptum pervenerit Alexander Cumyn Comes de Buchan salutem in domino sempiternam Noverit universitas vestra nos dedisse concessisse et hac presenti carta nostra confirmasse deo et ecclesie Sancte Marie et Sancti Andree de Lundors et monachis ibidem Deo servientibus et inperpetuum servituris decem Marcas sterlingorum annuas in tenemento nostro de Kelly in Buchan pro salute anime pie recordacionis domini Alexandri quondam regis Scotorum illustris et pro salute anime nostre et pro animabus omnium antecessorum et successorum nostrorum in escambium terre de Kyncardinbegg quam nobis dimiserunt et quietam clamaverunt in perpetuum Quare volumus quod predicti monachi predictas decem marcas annuas in perpetuum percipiant et habeant de predicto tenemento nostro de Kelly in liberam puram et perpetuam elemosinam adeo libere et quiete sicut aliqua elemosina in toto regno Scotie liberius datur vel ab aliquo possidetur Et propter ipsorum comodum et quietem et in augmentum elemosina nostre obligamus nos et heredes nostros et quoslibet alios successores nostros ad solvendum predictas decem marcas singulis annis apud Wrangham infra octabas festi nativitatis Sancti Johannis baptiste Abbati de Lundors vel monacho seu ballivo suo quicumque illuc venerit nomine eorundem monachorum Et si contingat nos deficere in solucione predicte elemosina predictis loco et termino aliqua vice quod absit volumus et concedimus pro nobis et heredibus nostris ac successoribus quod liceat ballivo et hominibus predictorum monachorum post octabas prefatas na mare predictum tenementum de Kelly absque aliqua requisicione licencie et nanos captos absque aliqua reple glacione detinere usque ad octo dies post predictas octabas Et si tunc dicta elemosina non fuerit soluta liceat eis dictam compulsionem vendere usque ad valorem elemosina predicte et quod nullum impedimentum eis faciemus per nos vel nostros in capcione detencione seu vendicione dictorum nemorum dummodo dictum tenementum non fuerit ita devastatum guerra quod non remaneat in illo redditus decem marcarum et si idem ibi remaneat illud habeant sine impedimento ut predictum est Subjicimus eciam nos et heredes nostros et quosque alios successores nostros et homines nostros dicti tenementi jurisdiccioni Episcopi et archidiaconi Aberdonensium vel eorum officialium qui pro tempore fuerint quod ipsi vel eorum alter qui super hoc fuerit requisitus ex parte dictorum monachorum possint vel possit unica tantum monicione premissa nos compellere per sentencias excommunicacionis in personas et interdicti in dictum tenementum sive fuerit in warda sive extra wardam nullo modo relaxandas vel suspendendas donec prefatis monachis de prefata elemosina plenaria fuerit satisfactum Promittimus eciam et obligamus nos et heredes nostros quod nullo modo alienabimus predictum tenementum de Kelly nisi salva predictis monachis elemosina compulsione et submissione memoratis Renunciantes plene et expresse pro nobis heredibus et successoribus nostris regie prohibicioni omni appellacioni privilegio crucesignatis vel cruce signandis indulto vel indulgendo omnibus litteris privilegiis et graciis inpetratis vel inpetrandis a quacumque curia seculari vel ecclesiastica omni legi et statuto omni exceptione et defensioni reali et personali juris et statuti que pro parte nostra poterunt opponi contra hoc instrumentum vel factum Et nos et heredes nostri predictas decem marcas annuas prefatis monachis contra omnes homines et feminas warendizabimus acquietabimus et defendemus inperpetuum In cujus rei testimonium presens scriptum fieri fecimus et sigillo nostro muniri Et propter absenciam domini episcopi Aberdonensis Dominus W episcopus Sancti Andree ad preces nostras sigillum suum apposuit huic scripto Hiis testibus domino Willelmo Dei gracia episcopo Sancti Andree domino Andree Abbate de Cupro dominis Willelmo de Montealto Willelmo Cumyn Fergus Cumyn Johanne Wyschard Gilberto Scot militibus Waldeuo rectore ecclesie de fovern Roberto de Lech rectore ecclesie de Slanys Ricardo rectore ecclesie de essy Et Rogero pater noster clericis nostris Duncano judice dauit filio Kyneth de Neuticbyr et multis aliis