Charter Document - 05150123
| Charter Number: | 05150123 |
|---|---|
| Cartulary Title: | The Chartulary of the Abbey of Lindores |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1260 |
| Date type: | Assigned |
| Resource Link(s): |
People of Medieval Scotland |
Charter:
Anno ab incarnacione domini MCC sexagesimo facta fuit hec convencio inter abbatem et conventum de Lundors ex una parte et dominum Gocelinum de Balliolo ex altera videlicet quod dicti abbas et conventus pro se et successoribus suis remiserunt et quietum clamaverunt in perpetuum dicto domino Gocelino omnimodas decimas exceptis decimis garbarum quas consueverunt percipere de firmis et omnibus aliis lucris et eschaetis terrarum suarum in Garviach quas habuit ex dono Domini Iohanni de balliolo fratris sui et similiter omnium aliarum terrarum quas nobilis vir Comes de Marr tenuit de dicto Domino Johanne de balliolo tempore quo facta fuit ista composicio Pro qua quidem quieta clamacione et remissione dictus dominus Gocelinus pro se et heredibus suis dedit et concessit in escambium dictarum decimarum prefatis abbati et conventui et successoribus suis inperpetuum in liberam puram et perpetuam elemosinam octo marcas sex solidos et octo denarios sterlingorum singulis annis percipiendas in molendino suo de Inveralmeslei uel in terra sua de balhagerdi si dictum molendinum deficiat per manus firmari orum dicti molendini vel dicte terre de balhagardi quicunque pro tempore fuerint ad duos terminos anni scilicet medietatem ad festum Sancti Martini in hieme et alteram medietatem ad Pentecosten Preterea predictus dominus Gocelinus pro se et heredibus suis dictis abbati et conventui et successoribus suis in liberam et perpetuam elemosinam dedit et concessit liberum cursum aque de Ouri continentem quatuor pedes et dimidium in latitudine usque ad molendinum de Inchemabani per medium terre sue quam habuit ex orientali parte Castri sui de Donidor ubicunque dicti abbas et conventus voluerint Ita tamen quod locum quem semel elegerint postmodum mutare non possint nisi de voluntate eius processerit Et sciendum quod si processu temporis per inundacionem aque predictus cursus aque excreverit vel ampliatus fuerit ultra predictos quatuor pedes et dimidium illud predictis abbati et conventui nullo modo imputabitur nec aliquam propter hoc sustinebunt jacturam sive molestiam dum tamen ipsi abbas et conventus predictum cursum suo artificio non ampliaverint In recognicione autem predicti cursus aque dabunt predicti abbas et conventus singulis annis predicto domino Gocelino et heredibus suis unum par chirothecarum albarum ad Penthecosten apud Castrum suum de Donidor pro omni servicio exactione secta et demanda seculari Ita quod occasione predicti cursus aque prefatus dominus Gocelinus vel heredes sui nichil possint aliquo tempore exigere vel extorquere a predictis abbate et conventu nisi predictas chirothecas tantum Preterea dictus dominus Gocelinus pro se et heredibus suis concessit quod nec ipse nec heredes sui predictum molendinum vel predictam terram de Balhagerdi aliquo genere alienacionis aliquo tempore alienabunt per quod dicti abbas et conventus prefatas octo marcas sex solidos et octo denarios impediantur annuatim ut dictum est percipere In cujus rei testimonium presens scriptum in modum chirograffi est confectum cuius una pars sigillo predicti domini Gocelini signata penes sepe nominatos abbatem et conventum remanet et altera pars communi sigillo capituli de Lundors penes prefatum dominum Gocelinum et heredes suos residet
Source (click image below to view full size)
