Charter Document - 05150111
| Charter Number: | 05150111 |
|---|---|
| Cartulary Title: | The Chartulary of the Abbey of Lindores |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1257 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibvs christi fidelibus presens scriptum uisuris uel audituris Robertus dictus frater senescalli de Stratherne eternam in domino Salutem Nouerit uniuersites uestra quod cum auctoritate apostolica mota esset causa coram archidiacono Dunkeldensi et commissariis suis videlicet priore et sacrista de Abirbrothoc inter viros religiosos abbatem et conuentum de Lundoren actores ex vna parte et me reum ex altera Ac ex parte dictorum abbatis et conuentus mihi esset editum sub hac forma Dicunt abbas et conuentus de Lundores contra Robertum fratrem senescalli de Stratherne quod cum ipsi et homines eorum essent in pacifica possessione capiendi materiem in Bosco de Glenlicherne in Stratherne ad edificia sustinenda et reparanda in terra sue de fedal que est in Kater mothel et similiter ea que pertinent ad agriculturam dictus Robertus prefatos abbatem et Conuentum prefata sua pacifica possessione contra iusticiam spoliauit Quare dicti abbas et conuentus petunt ad possessionem suam pristinam restitui et predictum Robertum ad possessionem eandem eisdem abbati et conuentui plenaria faciendam per censuram ecclesiasticam compelli Hec dicunt et petunt saluo sibi iuris beneficio in omnibus protestantes se uelle petere expensas in lite factas et de cetero faciendas Tandem ego Robertus pro mea contumacia per dictos commissarios ab ingressu ecclesie auctoritate apostolica suspensus ac postmodum multiplicata contumacia excommunicatus lesamque in hac parte habens conscienciem liti cedere pocius quam contendere existimavi Vnde prestito super hoc corporali iuramento pro me et meis omnibus et singulis fideliter promisi quod prefatos abbatem et conuentum ac homines eorundem prefata possessione sua capiendi materiem in predicto bosco libere gaudere permittam Nec eos uel successores suos uel homines eorum aliquatenus super premissis in posterum uexabo inquietabo perturbabo nec perturbacionem aliquam per me uel per alios procurabo Ita tamen quod homines dictorum abbatis et conuentus vnus uel plures quandocunque uoluerint cedere in dicto bosco me uel seruientem meum tantummodo premunient Volo eciam et concedo si ego contra prefatam litis cessionem prestiti iuramenti obseruacionem et promissionem contrauenire presumpsero uel aliquis meorum contra premissa attemptare presumpserit quod archidiaconus Sancti Andree uel eius Officialis qui pro tempore fuerint quorum iurisdiccioni me et meos subieci sub alternacione in hac parte ex tunc me et meos omnes et singulos ad omnia premissa et singula firmiter obseruanda terna tantum monicione premissa absque omni strepitu iudiciali per suspensionis excommunicacionis et interdicti sentencias in personam meam et meorum libere ualeat compellere In cuius rei testimonium presenti scripto sigillum meum apposui et sigillis dictorum Commissariorum vna cum sigillo dicti Archidiaconi Judicis principalis apponi procuravi Datum apud Lundors in Crastino purificacionis beate virginis Anno gracie millesimo ducentesimo L sexto
Source (click image below to view full size)
