Charter Document - 05150110
| Charter Number: | 05150110 |
|---|---|
| Cartulary Title: | The Chartulary of the Abbey of Lindores |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1259 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Gamelinvs miseracione diuina ecclesie Sancti Andree Minister humilis omnibus christi fidelibus presens scriptum visuris uel audituris eternam in domino Salutem Nouerint tam presentes quam futuri dominum Dauid comitem fratrem domini Willelmi Regis Scotorum fundasse abbaciam quamdam de ordine Kelkoensi apud Lundors pro salute anime sue et Matildis coniugis sue et omnium heredum ipsorum et pro salute animarum omnium antecessorum et successorum suorum et parochialem ecclesiam de Lundors cum omnibus iustis pertinenciis suis abbati et monachis ibidem deo seruientibus in liberam et puram et perpetuam elemosinam concessisse Nos igitur diuini amoris intuitu auctoritate nostra damus et concedimus et hac carta nostra confirmamus abbati et monachis ibidem deo seruientibus ipsam parochialem ecclesiam de Lundors et personatum eiusdem ecclesie cum omnibus iustis pertinenciis suis ad sedem abbacie in liberam et puram et perpetuam elemosinam ad proprios usus et sustentaciones eorundem monachorum vt iam dicta ecclesia de Lundors sit libera et quieta a conrediis et hospiciis et Synodalibus et Can et Conueth Concedimus eciam et confirmamus eis dignitatem pacis et omnes alias libertates quas abbacia habere debet Ita libere quiete plenaria et honorifice sicut aliqua abbacia in regno Scocie liberius quiecius plenius et honorificencius tenet et possidet Hiis testibus domino G priore de Sancto Andrea Magistro Ada de Malcaruiston officiarii nostro Magistris Thoma de Camoto et G de Heriz domino Iohanne Capellano nostro Johanne de Cuninghame et aliis Datum apud Lundors sabbato proximo ante Natale domini Anno gracie M Ducentesimo quinquagesimo nono
Source (click image below to view full size)
