Charter Document - 05150096
| Charter Number: | 05150096 |
|---|---|
| Cartulary Title: | The Chartulary of the Abbey of Lindores |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1227 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Honorivs episcopus seruus seruorum dei Dilectis filiis Abbati et conuentui monasterij de Lundors salutem et apostolicam benediccionem Ea que iudicio uel concordia statuuntur firma debent et illibata consistere et ne in recidiue contencionis scrupulum relabantur apostolico conuenit presidio communiri Ea propter Dilecti in domini filij uestris iustis postulacionibus grato concurrentes assensu composicionem que inter uos ex parte una et venerabilem fratrem nostrum episcopum Sancti Andree ex altera super quarundam terrarum redditibus in loco qui Garuihac dicitur positarum mediantibus [] abbate de Aberbrothoc et magistro Laurencio Sancti Andree et W Laudonie archidiaconis amicabiliter interuenit sicut rite sine prauitate prouide facta est et ab utraque parte recepta et hactenus pacifice obseruata et in litteris inde confectis plenius continetur auctoritate apostolica confirmamus et presentis scripti patrocinio communimus Nulli ergo omnino hominum liceat hanc paginam nostre confirmacionis infringere uel ei ausu temerario contraire Si quis autem hoc attemptare presumpserit indignacionem omnipotentis dei et Beatorum Petri et Pauli apostolorum eius se nouerit incursurum Datum Lateran xij Kal Marcij Pontificatus nostri anno xj
Source (click image below to view full size)
