Charter Document - 05150095
| Charter Number: | 05150095 |
|---|---|
| Cartulary Title: | The Chartulary of the Abbey of Lindores |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1215 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Innocencivs episcopus seruus seruorum dei Dilectis filiis abbati et conuentui monasterij de Lundors Salutem et apostolicam benediccionem Cum a nobis petitur quod iustum est et honestum tam uigor equitatis quam ordo exigit racionis ut id per sollicitudinem officij nostri ad debitum perducatur effectum Ea propter Dilecti in domino filij uestris iustis postulacionibus grato concurrentes assensu personas vestras et monasterium in quo diuino estis obsequio mancipati cum omnibus bonis que in presenciarum racionabiliter possidetis aut in futurum iustis modis prestante domino poteritis adipisci sub petri beati et nostra proteccione suscipimus specialiter autem uillam et ecclesiam de Eglesmagrille cum decimis de cletheueys quas venerabilis frater noster Abraham episcopus ac dilecti filij capitulum Dumblanense uestro monasterio concesserunt Et ecclesiam cum pertinenciis suis terras de Ratengoden Neutile hameldune et mernes cum piscaria in Sabulo et pertinenciis earundem Farinam quoque Braseum caseos et porcos annuos que M quondam frater Nobilis uiri G Comitis de Strathern pia uobis liberalitate concessit sicut ea omnia iuste ac pacifice possidetis uobis et per uos dicto monasterio vestro auctoritate apostolica confirmamus et presentis scripti patrocinio communimus Nulli ergo omnino hominum liceat hanc paginam nostre proteccionis et confirmacionis infringere uel ei ausu temerario contraire Si quis autem hoc attemptare presumpserit indignacionem omnipotentis dei et beatorum petri et pauli apostolorum eius se nouerit incursurum Datum Lateran x Kalend februarij Pontificatus nostri anno septimo decimo
Source (click image below to view full size)
