Charter Document - 05150092

Cancellarivs morauiensis et thesaurarius Dunkeldensis delegati perpetui ad infrascripta una cum tercio collega iam defuncto cum illa clausula quod si non omnes hiis exequendis poteritis tractare duo vestrum ea nihilominus exequantur a sede apostolica specialiter deputati omnibus et singulis decanis archidiaconis cantoribus cancellariis thesaurariis et canonicis ecclesiarum cathedralium per totum regnum scocie constitutis nec non rectoribus et perpetuis vicariis capellanis et notariis publicis infra dictum regnum et aliis ubi libet constitutis Salutem in domino et nostris ymo verius apostolicis humiliter obedire mandatis literas apostolicas ex parte abbatis et conuentus monasterij de L ordinis beati benedicti Sancti Andree dioecesis nobis presentatas sanas et integras cum debita reuerencia recepimus et vidimus tenoris et continencie instrumenti publici presentibus annexati Post quarum presentacionem nobis fuit expositum conquirendo quod nonnulli vicarij in supradictis literis apostolicis nominati videlicet perpetui vicarii ecclesiarum de C de R et de K ipsis abbati et conuentui super augmentacionem suarum vicariorum molestias et iniurias inferunt faciendo eos citari coram non suo iudice in hoc casu sub grauibus laboribus et expensis et nihilominus dictus vicarius de K eisdem subtrahit xxx agnos pacabiles in quibus eisdem tenetur annuatim et in ipsorum solucione iam per tres annos cessauit in ipsorum preiudicium atque dampnum quare nobis fuit ex parte ipsorum et conuentus de oportuno remedio supplicatum Nos igitur huius modi supplicacionibus annuentes auctoritate apostolica quam fungimur in hac parte vobis et vestrum cuilibet in solidum in uirtute sancte obediencie et sub pena excommunicacionis precipimus et mandamus quatinus infra sex dies postquam ex parte ipsorum abbatis et conuentus aliquis vestrum fuerit requisitus dictos vicarios et eorum quemlibet moneatis quod a predictis molestacionibus cessent penitus et desistant et quod vicarius de K de dictis xxx agnis tam de anno presenti quam de tempore suo preterito ipsis abbati et conuentui satisfaciat et quod tam ipse quam vicarij de C et de R de fabrica cancellorum suarum ecclesiarum et de omnibus oneribus extraordinariis pro porcione sua respondeant de cetero et contribuant cum ipsis abbate et conuentu ad premissa et quod hec omnia faciant et perficiant infra xv dies a tempore monicionum vestrarum computandos quorum quinque pro prima v pro secunda et reliquos v dies pro tercia et peremptoria monicione eis et eorum cuilibet assignamus sub pena excommunicacionis quam ex nunc prout ex tunc in hiis scriptis ferimus in rebelles absolucione nobis et superiori nostro preterquam in mortis articulo reseruata Datum sub sigillis nostris apud Perth xxiiij die mensis junij anno domini MCCCLXXV de die autem monicionum qui eas fecerit nobis sufficienter constare faciat vt de ulteriori si necesse fuerit possimus remedio prouidere Datum []