Charter Document - 05150086
| Charter Number: | 05150086 |
|---|---|
| Cartulary Title: | The Chartulary of the Abbey of Lindores |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1200 - 1215 |
| Date type: | Assigned |
| Resource Link(s): |
|
Charter:
Vniversis Christi fidelibus Willelmus de Camera salutem in domino Nouerit vniuersitas vestra me dedisse concessisse et hac presenti carta mea confirmasse deo et ecclesie sancte marie et sancti andree de Lundors et monachis ibidem deo seruientibus et seruitutis pro salute anime Domini mei Comitis Dauid et Matilde Comitisse uxoris sue et antecessorum et successorum suorum et pro salute anime mee et B uxoris mee et patrum nostrorum et matrum nostrarum et puerorum et omnium antecessorum et successorum nostrorum in liberam puram et perpetuam elemosinam omne dominium quod habui in parua hamildune et vnam marcam argenti de firma ipsius uille ita quod vna altera marca quam inde solebam percipere remaneat michi et cui illam uoluero concedere Quare uolo et concedo ut predicti monachi habeant et possideant dominium predicte uille liberum et quietum de me et heredibus meis in perpetuum sicut illud melius et plenius habui et tenui tempore quo feci donacionem istam et recipiant annuatim de ipsa uilla marcam suam Ita quod altero marca remaneat michi et cui illam concessero sine aliquo alio iure uel dominio uel clamio quod habui uel habere potui uel aliquis heredum meorum in uilla prenominata vt autem hec mea donacio et concessio stabilis sit in perpetuum presenti scripto sigillum meum apposui Hiis testibus Domino meo Comite Dauid et filiis ipsius Johanne et henrico de Striuelin et henrico de Brechin Roberto Basset Roberto filio Roberti Constantino de Mortemer militi Domini Comitis Alexandro de Striuelin Ricardo filio hugonis henrico filio Walkelini filij Stephani
Source (click image below to view full size)
