Charter Document - 05150080
| Charter Number: | 05150080 |
|---|---|
| Cartulary Title: | The Chartulary of the Abbey of Lindores |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1251 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Vniversis christi fidelibus presens scriptum visuris uel audituris Alanus Ostiarius Justiciarius Scocie eternam in domino salutem Nouerit vniuersitas uestra me anno gracie MCCL primo Die martis infra octavas apostolorum Petri et pauli pro anima pie recordacionis domini mei Alexandri quondam illustris regis scocie et pro salute anime mee et Margerie uxoris mee et omnium antecessorum et successorum meorum de consensu et uoluntate venerabilis Patris Domini P dei gracia episcopi Aberdonensis et religiosorum uirorum Abbatis et conuentus de Lundors dedisse concessisse et presenti scripto confirmasse deo et capelle beate marie site in parochia de Logindurnach quinque marcas annuas sterlingorum ad sustentacionem vnius capellani qui in dicta capella continue residebit et de licencia dictorum Domini Episcopi Aberdonensis et abbatis et conuentus de Lundors in perpetuum de gloriosa uirgine maria diuina celebrabit soluendas annuatim uicario ecclesie de Logindurnach qui pro tempore fuerit ad duos terminos anni scilicet duas marcas et dimidiam ad Penthecosten et duas marcas et dimidiam ad festum sancti martini in hyeme de terra mea de Kinnerny per me et heredes meos uel per ipsum quicunque dictam terram tenuerit Ita uidelicet quod non liceat michi uel heredibus meis prefatam terram uel aliquam ipsius partem aliquo genere alienacionis alienare quin predicte quinque marce prefate capelle ad sustentacionem vnius capellani ut dictum est integre reseruentur dicto vicario singulis annis fideliter persoluende Ipse autem uicarius dictam capellam et prenominatum capellanum in omnibus decenter sustentabit et omnia ornamenta ipsius capelle honeste inueniet Quod quidem Ricardus tempore donacionis huius perpetuus uicarius ecclesie de Logindurnach existens nomine uicarie sue de consensu et uoluntate dicti domini Episcopi Aberdonensis pro se et successoribus suis fideliter promisit et in se nomine uicarie sue onus suscepit Et sciendum quod si aliquo tempore a solucione dicte pecunie seu administracione capellani quod absit cessatum fuerit liceat episcopo aberdonensi qui pro tempore fuerit tam me et heredes meos quam predictum uicarium ad omnia premissa et singula fideliter obseruanda per censuram ecclesiasticam compellere Renunciato hinc inde omni iuris beneficio et omni excepcione sublata que michi et heredibus meis uel prefato uicario poterit competere uel que executionem dicte censure aliquatenus poterit impedire uel differre In cuius rei testimonium duo super hoc in modum chirograffi confecta sunt instrumenta vnum sigillo dicti domini episcopi aberdonensis et sigillo meo sigillatum quod penes se habere debent dicti abbas et conuentus de Lundors et alterum communi sigillo ipsorum abbatis et conuentus et sigillo prenominati vicarij de Logindurnach sigillatum penes me et heredes meos semper Residendum Testibus Domino Colino Ostiario fratre meo Domino Thoma de Cunigbureh militibus magistro Nicholao de Eddun Jacobo de Ouen Johanne excommunicato et multis aliis
Source (click image below to view full size)
