Charter Document - 05150078
| Charter Number: | 05150078 |
|---|---|
| Cartulary Title: | The Chartulary of the Abbey of Lindores |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1237 - 1263 |
| Date type: | Assigned |
| Resource Link(s): |
People of Medieval Scotland |
Charter:
Omnibvs christi fidelibus presens scriptum visuris uel audituris Gilbertus de Haya eternam in domino Salutem Nouerit vniuersitas vestra me concessisse et presenti carta mea confirmasse deo et ecclesie sancte marie et sancti andree de Lundors et monachis ibidem deo seruientibus et seruituris donacionem illam quam bone memorie Dauid de Haya pater meus eis dedit videlicet terciam partem piscaria rectum trahencium super sabulum de Glesbanyn et terciam partem piscaria rectum trahencium super Rugesablun contra colcric Dedi et concessi et presenti carta mea confirmaui deo et dicte ecclesie sancte marie et sancti andree de lundors et monachis eiusdem monasterij deo seruientibus et seruituris pro salute anime dicti Dauid patris mei et matris mee et pro salute anime mee et anime Edoyne uxoris mee et pro salute animarum omnium fratrum et sororum antecessorum et successorum meorum totam terciam partem piscaria rectum meorum trahencium super Joymerssndes in puram liberam et perpetuam elemosinam Quare uolo et concedo ut predicti monachi de lundors teneant et possideant omnia prenominata de me et heredibus meis ita libere et quiete plenaria et honorifice in omnibus sicut aliqua abbacia in toto regno scocie aliquam elemosinam liberius quiecius plenius et honorificencius tenet et possidet Ita uidelicet ut michi succedencium nullus aliquid ab eis nisi solas oraciones ad anime salutem exigere audeat uel presumat In cuius rei testimonium presenti scripto sigillum meum apposui Hiis testibus Dominis Rogero de Berkeley Ricardo Cumyn filio Ricardi Cumyn militibus Nicholao filio meo Willelmo tunc capellano meo Roberto de Haya nepote meo Malisio de Strathern consanguineo meo Galfrido de Keldelech et multis aliis
Source (click image below to view full size)
